छत्रपती संभाजीनगर : कट का मारला, नीट चालवता येत नाही का, असे म्हणत रिक्षावाल्याशी वाद घालणाऱ्या दोन तरुणांना रिक्षातील प्रवासी तरुण समजावत असताना, त्यालाच फायटरने मारून जखमी केल्याची घटना ८ मे रोजी सायंकाळी परवेज कुरेशी हॉस्पिटल जवळ घडली. बिलाल इलियास बसरावी (२५) असे जखमी तरुणाचे नाव आहे. तर शेरु कुरेशी, अरमान कुरेशी व इतर दोन जण (सर्व रा. शहाबाजार) अशी आरोपीची नावे आहेत.
फिर्यादी बिलाल व त्याची आई रिक्षाने घरी निघाले होते. त्यावेळी रिक्षाचालकाने शेरुच्या दुचाकीला कट मारला, त्यांनी पाठलाग करून रिक्षा थांबवली व रिक्षाचालकाशी वाद सुरू केला. हे पाहून रिक्षातील प्रवासी बिलालच्या आईने रिक्षाचालक वयोवृद्ध असून, त्याला मदत करण्यास सांगितले. बिलाल रिक्षातून उतरून त्यांचा वाद मिटवण्याचा प्रयत्न करत असतानाच, एकाने त्याला फायटरने मारले. या प्रकरणी बिलाल इलियास बसरावी (२५) यानी दिलेल्या फिर्यादीवरून सिटीचौक पोलीसांनी आरोपींच्या विरोधात गुन्हा दाखल केला आहे.
