छत्रपती संभाजीनगर : आठ दिवसांपासून माहेरी गेलेल्या पत्नीला आणायला सासरी गेलेल्या पतीला सासरच्या मंडळींनी मारहाण केली. ही घटना २५ जून रोजी रात्री साडेनऊ वाजेच्या सुमारास मुकुंदनगर भागात घडली. विशाल दिलीप गडवे, प्रियंका दिलीप गडवे, अरुणा दिलीप गडवे, दिलीप येडुबा गडवे (सर्व रा. मुकुंदनगर, मुकुंदवाडी) असे आरोपींची नावे आहेत.
यासंदर्भात कपिल उमाकांत गायकवाड (३४, रा. मुकुंदनगर मुकुंदवाडी) यांनी दिलेल्या फिर्यादीनुसार आठ दिवसांपूर्वी माहेरी गेलेल्या पत्नीला फिर्यादीने ‘तू आता आपल्या घरी चल,’ असे म्हटल्यानंतर त्याचा राग मनात धरून आरोपींनी फिर्यादीस, ‘तू आमच्या येथे कसा काय आलास’ म्हणून शिवीगाळ केली व हाताने मारहाण केली. परत इकडे आला, तर तुला जीवे मारून टाकू, अशी धमकी दिल्याप्रकरणी जावयाच्या फिर्यादीवरून सासरच्या मंडळी विरोधात मुकुंदवाडी पोलिस ठाण्यात गुन्हा दाखल करण्यात आला आहे.
