Beed Politics: बीड: राज्यात ठिकठिकाणी निवडणूकीचा प्रचार- प्रसार सुरु आहे. कुणी विरोधी गटात सामिल होत तर कोणी एकमेकांवर टीका करत आहे अशातच, बीड सीमेवरील मांदगाव येथे राष्ट्रवादी काँग्रेस (शरदचंद्र पवार गट) चे पदाधिकारी राम खाडे यांच्यावर जीवघेणा हल्ला झाला. या घटनेनंतर परिसरात एकच खळबळ उडाली.
हेही वाचा- घरातून निघालेले दाम्पत्य बेपत्ता, रात्रीच्या प्रवासात नेमकं काय घडलं? पोलीस तपास सुरु
मिळालेल्या माहितीनुसार, शुक्रवारी रात्री राम खाडे यांच्यावर हल्ला झाला. या हल्ल्यानंतर विरोधी पक्षनेते आमदार सुरेश धस यांच्यावर गंभीर आरोप करण्यात आले आहे. खाडे यांनी मागील काही दिवसांत आमदार धस यांच्याशी संबंधित भ्रष्टाचाराचे प्रकरण उघड केले होते. याच कारणातून हा हल्ला घडवून आणल्याचा संशय व्यक्त केला जात आहे.
सुरेश धस यांनी त्यांच्या सहकाऱ्यांला सांगून हल्ला करण्यास सांगितले. हा हल्ला अंत्यत भयंकर होता. यात राम खाडे हे गंभीर जखमी झाले आहे. या प्रकरणातील वकील असीम सरोदे यांनी माध्यमांना माहिती दिली की, “राम खाडे यांच्या जीवावर धोका आहेच, पण माझ्यावरही आमदार धस यांच्याकडून गंभीर जीवितधोका निर्माण झाला आहे.”
घटना अशी की, राम खाडे अहिल्यानगरहून बीडकडे सहकाऱ्यांसह कारने जात असताना ते मांदगावमधील एका हॉटेलमध्ये जेवणासाठी थांबले. हॉटेलच्या बाहेर पडताच अचानक 10 ते 12 जणांच्या टोळीने त्यांच्या वाहनावर अचानक हल्ला चढवला. हल्लेखोरांनी चेहऱ्यावर रुमाल बांधले होते. त्यामुळे त्यांचे चेहरे काही दिसले नाही आणि त्यांच्या हातात सत्तूर, काठ्या व बंदुकीसारखी शस्त्रे होती. या टोळीने गाडीच्या काचा फोडून खडे आणि त्यांच्या सहकाऱ्यावर हल्ला केला.
या हल्ल्यात खाडे गंभीर जखमी झाले असून त्यांना तात्काळ रुग्णालयात दाखल करण्यात आले आहे. त्यांची प्रकृती गंभीर असल्याची माहिती समोर येते. या गंभीर हल्ल्यानंतर स्थानिक कॉग्रेस पक्षांनी विरोधी पक्ष नेते भाजपचे आमदार सुरेश धस यांच्यावर आरोप केला. BJP चे माजी कार्यकर्ते मनोज चौधरी यांनी सांगितले, “खाडे यांनी आमदार धस यांच्या भ्रष्टाचाराचे प्रकरण उघड केल्याचा बदला म्हणून हा हल्ला झाला आहे.”या प्रकरणाच्या सखोल चौकशीसाठी CID किंवा SIT कडे वर्ग करावे.
