Beed Accident News : अहमदनगर-अहमदपूर राष्ट्रीय महामार्गावर बीडमधील ससेवडी गावाजवळ कंटेनर आणि पिकअपचा भीषण अपघात झाल्याची घटना घडली आहे. या भीषण अपघातात ५ जण जागीच ठार झाले आहेत. प्रल्हाद सिताराम घरत (वय 63, रा.महाजनवाडी ता. जि. बीड), नितिन प्रल्हाद घरत (41, रा.महाजनवाडी ता जि. बीड), विनोद लक्ष्मण सानप (41, रा.वाघिरा ता. पाटोदा जि. बीड) असे अपघातात मृत्यू झालेल्यांची नावे आहेत. याशिवाय कंटेनरमध्ये मृ्त्यू झालेल्या दोघांची नावे समजू शकलेली नाहीत. नेकनूर पोलीस घटनास्थळी दाखल झाले आहेत.
मिळालेल्या अधिक माहितीनुसार, ससेवाडी गावाजवळ कंटेनर आणि पिकअपची समोरासमोर जोरदार धडक झाली. या धडकेत दोन्ही गाड्यांचा चक्काचूर झाला आहे. यामध्ये पाच जणांचा जागीच मृत्यू झाला आहे. अपघात झाल्यानंतर घटनास्थळी नागरीकांनी मोठी गर्दी केली होती. मृत्यू झालेले लोक महाजनवाडी गावातील असल्याची प्राथमिक माहिती मिळत आहे. कंटेनरमधील चालकासह अन्य 1 जण ठार झाला आहे. हा अपघात एवढा भीषण होता, की अपघातानंतर कंटेनरमधील लोखंडी पाईप रस्त्यावर पसरल्याने वाहतुकी खोळंबली होती.
