जालना: जालना येथे नगरसेवक पदाच्या उमेदवाराला व्यासपीठासमोर बसण्यासाठी खुर्ची न मिळाल्याने राज्याचे उपमुख्यमंत्री आणि राष्ट्रवादी काँग्रेसचे अध्यक्ष अजित पवार चांगलेच संतापले. कार्यक्रमादरम्यान अचानक माईक हातात घेत त्यांनी पोलिसांसह आयोजक आणि कार्यकर्त्यांनाही चांगलंच सुनावलं. (Jalana Latest Political News)
उमेदवारांना डी-झोनमध्ये प्रवेश देण्याची ठाम सुचना देत पवारांनी कार्यकर्त्यांना व्यासपीठासमोर खुर्च्या लावण्याचे आदेश दिले. “माझे उमेदवार, त्यांना समोर बसवा. खुर्च्या काढा आणि लगेच लावा,” अशी तंबी त्यांनी दिली.
हेही वाचा: Pune News: ८ महिन्यांपूर्वी बेपत्ता… पण प्रत्यक्षात मृत, भाजप नेत्याच्या सासऱ्यासोबत नेमकं काय घडलं
“कळत नाही काय? उमेदवार कोण आहे,” अशा कठोर शब्दांत निर्देश देत पवारांनी कार्यकर्त्यांकडून तातडीने खुर्च्या पुढे नेण्यासाठी सांगितले. काही वेळ कार्यक्रमस्थळी गोंधळाचे वातावरण निर्माण झाले, मात्र पवारांच्या सूचनांनंतर उमेदवारांना पुढील रांगेत बसवण्यात आले.
