बुलढाणा : समृद्धी महामार्गावर अपघातांचे सत्र थांबण्याचे नाव घेत नाहीये. या महामार्गावर आज मंगळवारी (दि.18) एक भीषण अपघात झाला आहे. या महामार्गावर खासगी बसने भरधाव ट्रकला धडक दिली आहे. या भीषण अपघातात बसच्या समोरील भाग चक्काचूर झाला आहे.
अपघातानंतर बसचालक जखमी झाला आहे. या भीषण अपघातामध्ये जखमी झालेल्या बसचालकाला बीबी येथील ग्रामीण रुग्णालयात दाखल करण्यात आले आहे. सुदैवाने या अपघातात कोणतीही जीवितहानी झालेली नाही.
घडलेल्या अपघताची माहिती मिळताच पोलीसांनी घटनास्थळी धाव घेतली. यावेळी पोलीसांनी मार्गावरील वाहतून कोंडी कमी करुन मार्गावरील गाड्यांना मार्ग मोकळा करुन दिला आहे. दरम्यान, अपघात झाल्यानंतर ट्रक चालकाने घटनास्थळावरुन पळ काढला आहे. पोलीसांनी याचा शोध सुरु केला आहे. याप्रकरणी किनगाव राजा स्थानिक पोलीस पुढील कारवाई करत आहेत.
