लातूर : लातूरमध्ये कार आणि ट्रकच्या भीषण अपघाताची घटना समोर आली आह. या अपघातात चार जणांचा जागीच मृत्यू झाला आहे. लातूरच्या निलंगा-देवणी राज्य महामार्गावर असलेल्या धनेगाव मध्ये ही अपघाताची घटना घडली आहे. या अपघातात कारचा चुराडा झाला आहे. अपघातातील मृत व्यक्ती मध्यप्रदेशातील इंदौर येथील कापडाचे व्यापारी असल्याची प्राथमिक माही मिळत आहे.
याबाबत मिळालेल्या प्राथमिक माहितीनुसार, आज दुपारी कार वलांडीहून निलंग्याच्या दिशेने जात होती. यावेळी समोरून येणारा ट्रक आणि कारची जोरदार धडक झाली. या अपघातात कारमधील चौघांचा जागीच मृत्यु झाला आहे. हा भीषण अपघात लातूरमधील निलंगा-देवणी महामार्गावरील धनेगाव पाटी येथे झाला आहे. या अपघातात कारमधील चार जणांचा जागीच मृत्यू झाला आहे.
ट्रक आणि कारची समोरासमोर धडक झाल्याने कारचा चक्काचूर झाला आहे. या भीषण अपघातात मृत्यू झालेले व्यक्ती हे मध्य प्रदेशातील इंदोर येथील कपड्याचे होलसेल व्यापारी असल्याची प्राथमिक माहिती मिळत आहे. ते व्यापारासाठी लातूरच्या उदगीरकडे त्यांच्या कारने प्रवास करत होते. त्याचेळी अपघात झाला.
अपघातग्रस्त कार जेसीबीच्या सहाय्याने बाजूला काढण्यात आली. यावेळी देवणी पोलीस ठाण्याचे सपोनि माणिकराव डोके व सहकारी यांनी घटनास्थळी दाखल होत मृतदेह वलांडी येथील प्राथमिक आरोग्य केंद्रात शवविच्छेदनासाठी नेण्यात आले. मृतांची ओळख पटविण्याचे काम पोलिस करत आहेत.
