Maharshtra News: महाराष्ट्र: महाराष्ट्रातील वाहनचालकांसाठी दिलासादायक बातमी समोर आली आहे. अनेक वाहनांवर अद्यार हायई सेक्युरिटी रेजिट्रेशन प्लेट बसवण्यात आली नसल्याने परिवहन विभागाने अंतिम मुदत आणखी वाढली आहे. त्यामुळे ज्यांनी वाहनांवर High-Security Registration Plate (HSRP) बसवली नसेल त्यांना सुवर्ण संधी प्राप्त झाली आहे.
हेही वाचा- इंदापूर मतदान केंद्रावर दोन गटात गोंधळ, दोन्ही बाजूचे कार्यकर्ते आपापसात भिडले
मिळालेल्या माहितीनुसार, ही मुदतवाढ 31 डिसेंबर पर्यंत वाढवण्यात आली आहे. विभागाकडून 5 वेळा मुदतवाढ करण्यात आली. मात्र या मुदतवाढीनंतरही प्रश्न कायम आहेत. एकट्या पुण्यातच सुमारे 15 लाख वाहनांवर HSRP बसवणे बाकी आहे. एवढ्या मोठ्या संख्येने नंबर प्लेट्स एका महिन्यात बसवणे आव्हानात्मक ठरणार असल्याची चर्चा वाहनचालकांमध्ये आहे.
हाय कोर्टाच्या आदेशानुसार 1 एप्रिल 2019 पूर्वी नोंदणी झालेल्या सर्व वाहनांवर HSRP बसवणे बंधनकारक आहे. या प्लेटवर असलेल्या सिक्युरिटी फीचर्समुळे वाहनांची ओळख पटवणे सोपे होते. अपघात किंवा गुन्हेगारी प्रकरणांमध्ये संशयित वाहनांचा शोध लागण्यास ह्या प्लेट महत्त्वाची ठरते. होलोग्राम आणि विशेष कोडमुळे HSRP ची नक्कल करणे जवळपास अशक्य होते.
पुण्यातील HSRP ची सद्यस्थिती
परिवहन विभागाच्या आकडेवारीनुसार आतापर्यंत सुमारे 7.5 लाख वाहनचालकांनी HSRP बसवली आहे, तर 10.5 लाख वाहनांनी नोंदणी केली आहे. शहरातील एकूण सुमारे 25 लाख वाहनांपैकी जवळपास 15 लाख वाहनांना अजूनही HSRP बसवायची आहे.
