रायगड : रायगडमध्ये एक मोठा अपघात घडल्याची बातमी समोर अली आहे. रायगड येथील लोणेरे श्रीवर्धन मार्गावर कारचा भीषण अपघात झाल्याची घटना घडली आहे. या अपघात तीन जणांचा जागीच मृत्यू झाला आहे. तर एक जण गंभीर जखमी झाल्याची प्राथमिक माहिती मिळत आहे. कणघर गावा जवळ हा अपघात झाल्याचे समजते.
याबाबत मिळालेल्या अधिक माहितीनुसार, लोणेरे-श्रीवर्धन मार्गावर भरधाव येणारी कार झाडाला जोरात आदळली आणि नंतर पलटी झाली. हा अपघात इतका भीषण होता की, कारमधील तीन जणांचा जागीच मृत्यू झाला आहे. मृतांमध्ये एका मुलाचा समावेश आहे. तर एक लहान मुलगा गंभीर जखमी झाला आहे. घटनास्थळी पोलीस दाखल झाले असून जखमींना जवळच्या रुग्णालयात उपचारासाठी दाखल करण्यात आले आहे.
