सिंधुदुर्ग : सिंधुदुर्गमधून भीषण अपघाताची बातमी समोर आली आहे. प्रवाशांनी भरलेली एसटी बस ओहळात कोसळून भीषण अपघात झाला आहे. वैभववाडी -कुसुर मार्गावर हा अपघात झाला आहे. सुदैवानं या अपघातामध्ये कोणतीही जीवितहानी झालेली नाही, मात्र, नऊ प्रवासी जखमी झाले आहेत. जखमींना स्थानिकांच्या मदतीनं उपचारासाठी रुग्णालयात दाखल करण्यात आलं आहे. या अपघातामध्ये एसटी बसचं मोठं नुकसानं झालं आहे.
घटनास्थळावरून मिळालेल्या माहितीनुसार, वैभववाडी -कुसुर मार्गावर हा अपघात झाला आहे, समोरून येणाऱ्या दुचाकीला साईट देताना चालकाचं नियंत्रण सुटून ही बस रस्त्याच्या कडेला असलेल्या ओव्हळमध्ये कोसळली. या अपघातात सुदैवानं कोणतीही जिवीतहानी झालेली नाही. मात्र या बसमधील नऊ प्रवासी जखमी झाले असल्याची प्राथमिक माहिती मिळत आहे. जखमींना उपचारासाठी रुग्णालयात दाखल करण्यात आलं आहे.
