सिल्लोड: एका धक्कादायक आणि अस्वस्थ करणाऱ्या घटनेत, छ. संभाजीनगर येथील सिल्लोडमध्ये एका जोडप्याला त्यांच्या 4 वर्षांच्या दत्तक मुलीची निर्घृण हत्या केल्याबद्दल अटक करण्यात आली आहे. पीडिता, आयत शेख हिला तिचे दत्तक घेणारे पालक, फईम आणि फौजिया शेख यांनी अत्यंत शारीरिक आणि भावनिक छळ करत हत्या केली आहे.
पोलिसांच्या अहवालानुसार, आयतला सहा महिन्यांपूर्वी फईम आणि फौजिया यांनी ₹5,000 मध्ये विकत घेतले होते. तथापि, प्रेम देण्याऐवजी, या जोडप्याने आयतवर क्रूर शारीरिक आणि भावनिक अत्याचार केल्याचा आरोप आहे. पीडितेला 15 दिवस उपाशी ठेवण्यात आले, निर्दयीपणे मारहाण करण्यात आली आणि तिचे हातपायही तोडण्यात आले. या जोडप्याने आयतचे तळहात आणि पायाच्या तळव्याच्या जॉईंटमधून तिची हाडे पिरगळून तोडल्याची धक्कादायक घटना समोर आली आहे.
फईम आणि फौजिया शेख यांनी आयतचा मृतदेह सिल्लोड येथील एका कब्रिस्तानात दफनविधी करुन पुरावे नष्ट करण्याचा प्रयत्न होता, परंतु नागरिकांनी याबद्दल माहिती पोलिसांना दिली असता हा संपूर्ण प्रकार उघडकीस आला आहे. पोलिसांनी सिल्लोड उपजिल्हा रुग्णालयात शवविच्छेदनासाठी पाठवले असता किती क्रूरपणे आरोपींनी चिमुरडीचा किती छळ हे दिसून आले आहे.
शरीराववर चटके दिले आणि तिच्या डोक्यावर आणि पाठीवर गंभीर दुखापत केल्याचा आरोप आहे. पोलिसांनी आयत शेख हिचा मृतदेह ताब्यात घेऊन पुढील चौकशी सुरु केली आहे.
पोलिस तपासात भयानक अत्याचार केल्याचे उघडकीस
पोलिस तपासात असे दिसून आले की, आयतचे दत्तक पालक अनेक महिन्यांपासून तिचा छळ करत होते. पीडितेच्या शरीरावर गंभीर अत्याचाराच्या खुणा होत्या, ज्यामध्ये हाड तोडणे, भाजणे आणि डोक्याला दुखापत इत्यादीचा समावेश आहे. पोलिसांनी फईम आणि फौजिया शेख यांना अटक केली आहे.
क्रूर हत्येमुळे नागरिक संतप्त
आयत शेखच्या क्रूर हत्येने समाजात खळबळ उडाली आहे, अनेकांनी पीडित तरुणीला न्याय मिळावा अशी मागणी केली आहे. या घटनेमुळे राज्यातील दत्तक मुलांच्या सुरक्षिततेबद्दल आणि कल्याणाबद्दलही चिंता निर्माण झाली आहे.
