(Breaking News) मुंबई : राज्यातून आता लवकरच एन. ए. टॅक्स (अकृषी कर) हटविण्याचा निर्णय राज्य सरकार घेणार आहे. त्यामुळे खरेदीच्या वेळीच एकदाच ‘एनए’ भरावा (वन टाइम टॅक्स) लागणार आहे. तर एकदा एन. ए. टॅक्स भरल्यावर नंतर भरण्याची गरज राहणार नाही. अशी मोठी घोषणा राज्याचे महसूलमंत्री राधाकृष्ण विखे पाटील यांनी केली आहे.
नागरिकांचा मोठा त्रास वाचणार…!
छत्रपती संभाजीनगर येथे क्रेडाई महाराष्ट्रच्या २०२३-२५ च्या कार्यकारिणीचा पदग्रहण सोहळा रविवारी (ता.१६) संपन्न झाला. त्यावेळी बोलताना वरील त्यांनी मोठी घोषणा दिली. तसेच या निर्णयामुळे सरकारच्या महसुलावर परिणाम होईल, पण नागरिकांचा मोठा त्रास वाचणार आहे. असे देखील विखे पाटील यांनी म्हटले आहे.
पुढे बोलताना विखे पाटील म्हणाले की, एकदा एन. ए. टॅक्स भरल्यावर नंतर परत भरण्याची गरज राहणार नाही. या नवीन निर्णयामुळे सरकारचा काही महसूल बुडेल, परंतु प्रामाणिकपणे कर भरणाऱ्यांना याचा फायदा देता येईल. तसेच यासह भूमी अभिलेख विभागाकडून मोजणीचे जे नकाशे दिले जातात. ते आता १५ दिवसांत घरपोच देण्यात येईल, असेही विखे पाटील म्हणाले.
दरम्यान, सरकारकडून अनेक चांगले आणि लोकांच्या हिताचे निर्णय घेण्यात येत आहे. ज्यात आता मालमत्ताची डिजिटल मॅपिंग करण्यात येणार आहे. महसूल, भूमी अभिलेख आणि ग्रामविकास विभाग यांच्याकडून गावठाण जमाबंदी प्रकल्पांतर्गत ड्रोनद्वारे सर्वेक्षण करण्यात येणार आहे. मालमत्तांची मॅपिंग ड्रो- नद्वारे सर्वेक्षण करता यावे. यासाठी शासनाकडून प्रत्येक जिल्ह्याला ड्रोन पुरवण्यात येत आहे. आपले स्वतःच घर असावे असे स्वप्न प्रत्येकाचे असते, आणि त्या दृष्टीने सरकार पावले उचलत आहे. असे विखे पाटील यांनी यावेळी सांगितले आहे.
अधिक बातम्या वाचण्यासाठी येथे क्लिक करा….!
Political | भाजपाकडून राजकीय घात झाला आहे हे आता एकनाथ शिंदे यांना कळून चुकलंय : आमदार अमोल मिटकरी
Pune : मार्केटयार्डातील चेंबरमध्ये अडकलेल्या वासराची अग्निशमन दलाच्या जवानांनी केली सुखरूप सुटका!
