जीवन सोनवणे
Big Breaking : खंडाळा. ता.१७ : शिरवळ (ता.खंडाळा) येथील अनेक दिवसापासुन बंद असलेल्या शिर्के पेपर मील या कंपनीला आग लागल्याची धक्कादायक घटना शनिवारी (ता.१६) मध्यरात्री बारा वाजण्याच्या सुमारास उघडकीस आली आहे. या आगीच कंपनीतील पेपरचे मोठ्या प्रमाणात नुकसान झाले आहे. एका आठवड्याच्या आत कंपनीला दुसऱ्यांदा भीषण आग लागल्याने परिसरात प्रचंड खळबळ उडाली आहे.
मोठ्या प्रमाणात नुकसान
मिळालेल्या माहितीनुसार, शिर्के पेपर मीलला शनिवारी रात्री बारा वाजण्याच्या सुमारास आग लागल्याचे सुरक्षारक्षकाने पाहिले. (Big Breaking ) त्यानंतर त्याने या घटनेची माहिती तत्काळ अग्निशमन दलाला सांगितली. या घटनेची माहिती मिळताच, एशियन पेंट कंपनीतील अग्निशमन दलाची गाडी तातडीने घटनास्थळी दाखल झाली.
त्यानंतर अग्निशमन दलाच्या जवानांनी आग तत्काळ आटोक्यात आणण्याचा प्रयत्न केला, परंतु आग लागलेल्या ठिकाणी अग्निशामक बंब पोहोचू शकत नव्हता. (Big Breaking ) त्यामुळे आग विझवण्यात यश येत नव्हते. स्थानिक नागरिक व एस के फाउंडेशन च्या सदस्यांच्या मदतीने आग लागलेल्या ठिकाणच्या जवळील इतर साहित्य हलविण्यात आले.
दरम्यान, कंपनीत आग लागल्याने परिसरात मोठ्या प्रमाणात धुराचे लोट तयार झाले होते. व बघ्यांनी मोठ्या प्रमाणात गर्दी केली होती. या आगीत मिल मधील पेपरचे देखील मोठ्या प्रमाणात नुकसान झालेले आहे. मात्र नुकसानीचा नेमका आकडा अद्याप संमोर आलेला नाही. (Big Breaking ) तर शिरवळ पोलिसांनीही तत्काळ घटनास्थळी भेट दिली त्यानुसार सदर घटनेची नोंद शिरवळ पोलीस ठाण्यात करण्यात आली आहे.
कंपनीच्या जुन्या कामगारांनी घेतली कंपनीकडे धाव
या घटनेची माहिती मिळताच कंपनी बंद होण्या पर्यंत कंपनीत काम करणाऱ्या काही वयस्कर कामगारांनी कंपनीकडे धाव घेतली. कंपनीची झालेली अवस्था पाहून कंपनीत काम करतानाचे कंपनीतील जुन्या आठवणी ताज्या करत त्यांचे अश्रु अनावर झाले. या सगळ्या समाज कंठकांचा बंदोबस्त लवकरात लवकर करा. अशी विनंती कामगारांनी पोलिसांकडे केली आहे.
अधिक बातम्या वाचण्यासाठी येथे क्लिक करा :
Big Breaking : …अखेर मनोज जरांगे पाटील यांचे १७ दिवसानंतर उपोषण मागे..
Big Breaking : कोपर्डी बलात्कार प्रकरण..! मुख्य आरोपीची येरवडा कारागृहातच गळफास घेऊन आत्महत्या..
