रत्नागिरी : उपमुख्यमंत्री अजित पवार हे रत्नागिरी जिल्ह्यातल्या संगमेश्वर दौऱ्यावर असताना त्यांच्या ताफ्यावर मधमाशांनी हल्ला केला आहे. या हल्ल्यात काही अधिकारी आणि पोलीस कर्मचारी जखमी झाले आहेत. अचानक मधमाशांनी हल्ला केल्यामुळे ताफ्यातील अनेकांची चांगलीच धावपळ उडाली. त्यानंतर उपमुख्यमंत्री अजित पवार यांना सुरक्षित गाडीमध्ये बसवण्यात आले.
या घटनेबाबत अधिक माहिती अशी की, उपमुख्यमंत्री अजित पवार रत्नागिरी जिल्ह्याच्या दौऱ्यावर असताना कसबा गावातील सरदेसाई वाड्याची पाहणी करताना संगम मंदिर परिसरात ही घटना घडली. अचानक मधमाशांनी हल्ला केला. अजित पवार यांच्या ताफ्यातील काही पोलीस कर्मचाऱ्यांना तसेच अधिकाऱ्यांना या मधमाशांनी चावा घेतला. यामध्ये काही अधिकाऱ्यांसह पोलीस कर्मचारी जखमी झाले.,
दरम्यान काही जणांनी आपल्या हातमधील उपरण्यांनी मधमाशांना दूर हाकलण्याचा प्रयत्न केला. मात्र तरी देखील यातील काही कर्मचाऱ्यांना मधमाशांनी चावा घेतला.
