Karnataka News : कर्नाटकातील बिदर येथे एक हृदय पिळवटून टाकणारी घटना घडली आहे. बिदर येथे मुख्य रस्त्यावर एका अपघातात दोन वर्षीय मुलाचा दुर्दैवी मृत्यू झाला आहे. मंगळवारी संध्याकाळी ही घटना घडली आहे. याचा व्हि़डिओ सध्या सोशल मीडियावर प्रचंड व्हायरल होत आहे. एका रस्त्यावर एका भरधाव कारखाली येऊन चिमुकल्याचा मृत्यू झाला आहे. या घटनेने मुलाच्या कुटुंबियांवर दुः खाचा डोंगर कोसळला आहे.
नेमकं काय घडल?
सोशल मीडियावर व्हायरल झालेल्या व्हिडिओत एका रस्त्यावर लहान मुलगा खेळताना दिसत आहे. त्या मुलाचे लक्ष कुठेच नव्हते. तेवढ्यात रस्त्यावरुन येणारी एक कार टर्न घेताना दिसत आहे. कार एवढ्या वेगात येती की, लहान मुलगा समोर असल्याचे कारचालकाला दिसत नाही. तो मुलाच्या अंगावर कार घालतो. त्यानंतर कारचालक तिथून पळून जातो. दुसऱ्या कारमध्ये बसलेला एक व्यक्ती बाहेर येतो आणि कारचालकाला आवाज देतो.
परंतु तरीही कारचालक थांबत नाही. त्यानंतर आजूबाजूचे नागरिक घटनास्थळी जमा होतात. या घटनेत चिमुकल्या मुलाचा दुर्दैवी मृत्यू होतो. या घटनेचे परिसरातील नागरिकांनी हळहळ व्यक्त केली आहे. गांधी गंज पोलिस ठाण्यात कारचालकाविरोधात गुन्हा दाखल करण्यात आला आहे. याबाबत एका कन्नड वृत्तपत्राने माहिती दिली आहे.
