World Cup 2023 Award Winners List : पुणे : रोहित शर्माच्या नेतृत्वाखाली भारतीय संघ वर्ल्ड कपमध्ये फायनलपर्यंत पोहचला. संपूर्ण टूर्नामेंटमध्ये चांगली कामगिरी करून सुद्धा फायनलमध्ये खराब खेळीमुळे वर्ल्ड कप भारताच्या हातून गेला. मात्र, विराट कोहलीच्या दमदार कामगुरीमुळे भारताची मान उंचावली. त्याशिवाय प्लेअर ऑफ द टूर्नामेंट ते गोल्डन बेल्टपर्यंत भारतीय खेळाडूंनी केलेल्या धडाकेबाज कामगिरीमुळे भारताच्या झोळीत मोठे 6 पुरस्कार येऊन पडले आहेत.
अंतिम सामन्यात नाणेफेक हारून प्रथम फलंदाजीला आलेल्या टीम इंडियाला केवळ 240 धावा करता आल्या. ट्रॅव्हिस हेडच्या शतकाच्या जोरावर ऑस्ट्रेलियाने या धावसंख्येचा सहज पाठलाग केला.ऑस्ट्रेलियाने हा सामना 6 गडी राखून जिंकून सहाव्यांदा विजेतेपदावर कब्जा केला. या पराभवानंतर सर्वांचीच निराशा झाली, मात्र संपूर्ण स्पर्धेत भारतीय खेळाडूंनी उत्कृष्ट कामगिरीच्या जोरावर 12 पैकी 6 पुरस्कार जिंकले.
वर्ल्ड कप 2023 पुरस्कार विजेत्यांची यादी खालीलप्रमाणे
– स्पर्धेतील सर्वाधिक अर्धशतके : विराट कोहली (सहा अर्धशतके)
-प्लेअर ऑफ द टूर्नामेंट : विराट कोहली (765 धावा आणि एक विकेट)
-प्लेअर ऑफ द मॅच (फायनल) : ट्रॅव्हिस हेड (137 धावा)
– स्पर्धेतील सर्वाधिक षटकार : रोहित शर्मा (31 षटकार)
– स्पर्धेतील सर्वाधिक धावा (गोल्डन बॅट) : विराट कोहली (11 सामन्यात 765 धावा)
-टूर्नामेंटमध्ये यष्टिरक्षकाद्वारे सर्वाधिक विकेट घेणारा : क्विंटन डी कॉक (20)
– स्पर्धेतील सर्वाधिक शतके : क्विंटन डी कॉक (चार शतके)
– स्पर्धेतील सर्वोच्च धावसंख्या : ग्लेन मॅक्सवेल (201* अफगाणिस्तानविरुद्ध)
– स्पर्धेतील सर्वोच्च स्ट्राइक रेट: ग्लेन मॅक्सवेल
– स्पर्धेतील सर्वाधिक विकेट (गोल्डन बॉल) : मोहम्मद शमी (24 विकेट)
– स्पर्धेतील सर्वाधिक झेल : डॅरिल मिशेल (11 झेल)
