हैदराबाद: आयपीएलच्या झगमगत्या दुनियेत दरवर्षी अनेक तारे चमकतात, पण सनरायझर्स हैदराबादच्या एका युवा गोलंदाजाने जे करून दाखवलं, त्याची नोंद क्रिकेटच्या इतिहासात सुवर्ण अक्षरांनी केली जाईल. विदर्भाच्या 24 वर्षीय प्रफुल्ल हिंगे याने त्याच्या पहिल्याच सामन्यात कमाल केली. पदार्पणाच्या पहिल्याच षटकात 3 विकेट्स घेणारा तो आयपीएल इतिहासातील जगातील पहिलाच गोलंदाज ठरला आहे. त्याने 5 सामन्यांमध्ये 5 विकेट्स घेत संघाच्या यशात योगदान दिलं.
मैदानात नेमकं काय घडलं?
सामना सुरू झाला तेव्हा सर्वांच्या नजरा राजस्थानच्या आक्रमक फलंदाजांवर होत्या. पण कर्णधार पॅट कमिन्सने चेंडू नवख्या प्रफुल्लच्या हातात सोपवला आणि तिथूनच इतिहासाला सुरुवात झाली.
-
पहिली शिकार: आक्रमक सलामीवीर वैभव सूर्यवंशीला प्रफुल्लने पहिल्याच चेंडूवर माघारी धाडले.
-
दुसरा धक्का: षटक संपण्यापूर्वीच त्याने ध्रुव जुरेलला आउट केले. एकाच षटकात 3 विकेट्स घेत प्रफुल्लने राजस्थानचे कंबरडे मोडले. त्याच्या या धारदार गोलंदाजीने स्टँड्समध्ये बसलेल्या हैदराबादच्या मालकीण काव्या मारन यांचा आनंद गगनात मावेनासा झाला होता.
पाहा व्हिडीओ:
A dream debut ⭐
Vaibhav Sooryavanshi ✅ Dhruv Jurel ✅ Lhuan-dre Pretorious✅
Praful Hinge gets 3 wickets in his first over #TATAIPL#TATAIPL #IPLRivalryWeek 2026 👉 #SRHvRR | LIVE NOW 👉https://t.co/kOHOKuG1Hi pic.twitter.com/4KLyM6S1z0
— Star Sports (@StarSportsIndia) April 13, 2026
कोण आहे हा प्रफुल्ल हिंगे?
नागपूरचा रहिवासी असलेला प्रफुल्ल हिंगे हा विदर्भाच्या क्रिकेट वर्तुळातील एक सातत्यपूर्ण नाव आहे. 10 प्रथम श्रेणी सामन्यांत 27 विकेट्स घेणाऱ्या या मध्यमगती गोलंदाजाने आपल्या अचूक टप्प्याने आणि चेंडूवरील नियंत्रणाने सर्वांना प्रभावित केले आहे. विजय हजारे ट्रॉफी जिंकणाऱ्या विदर्भ संघाचा तो महत्त्वाचा भाग होता. त्याच्या याच टॅलेंटमुळे लिलावापूर्वी मुंबई इंडियन्स आणि गुजरात टायटन्सनेही त्याला ट्रायलसाठी बोलावले होते.
