बंगळुरू: रॉयल चॅलेंजर्स बंगळुरू आणि कोलकाता नाइट रायडर्स यांच्यात गुरुवारी एम चिन्नास्वामी स्टेडियमवर आयपीएल 2024 चा 10 वा सामना खेळला जात आहे. केकेआरचा स्टार अष्टपैलू सुनील नरेनने या सामन्यात एक मोठा विक्रम केला आहे. आजच्या सामन्यात त्याने 500 वा टी-20 सामना खेळण्याचा टप्पा गाठला आहे. अशी कामगिरी करणारा तो चौथा फलंदाज ठरला आहे. त्याच्या आधी हा विक्रम किरॉन पोलार्ड, ड्वेन ब्राव्हो आणि शोएब मलिक यांच्या नावावर आहे.
या सामन्यात आरसीबी आणि केकेआर आपली विजयी घोडदौड कायम राखण्यासाठी मैदानात उतरले आहेत. दोन्ही संघांनी आपापल्या शेवटच्या सामन्यात प्रतिस्पर्धी संघांचा दारुण पराभव पत्करावा केला आहे. घरच्या मैदानावर कोलकाताविरुद्ध आरसीबीचा विक्रम काही विशेष राहिला नाही. आयपीएलमध्ये दोन्ही संघांमध्ये एकूण 32 सामने खेळले गेले आहेत. यापैकी आरसीबीने 14 सामने जिंकले असून कोलकाताने 18 सामने जिंकले आहेत. कोलकाताने गेल्या पाच सामन्यांमध्ये आरसीबीचा पराभव केला आहे. आज आरसीबी पाहुण्यांची विजयी मालिका खंडित करण्यात यशस्वी होईल, अशी अपेक्षा आहे.
सुनील नरेनच्या नावावर एक मोठा विक्रम
कोलकाताचा स्टार स्पिनर सुनील नरेनने मैदानात उतरताच एक मोठा विक्रम आपल्या नावावर केला आहे. तो RCB विरुद्ध त्याच्या T20 कारकिर्दीतील 500 वा सामना खेळण्यासाठी आला आहे. याआधी पोलार्डने 660 सामने खेळले आहेत. ड्वेन ब्राव्होने 573 सामने खेळले आहेत तर शोएब मलिक 542 सामने खेळत या यादीत तिसऱ्या स्थानावर आहे.
वेस्ट इंडिजच्या स्टार स्पिनरने 499 सामन्यात 536 विकेट घेतल्या आहेत. तर ड्वेन ब्राव्होने 625 विकेट्स घेऊन या यादीत अव्वल स्थान पटकावले आहे. याशिवाय राशिद खानने 566 विकेट घेतल्या आहेत. आयपीएलमधील 35 वर्षीय खेळाडूची कामगिरी पाहिली तर त्याने 163 सामने खेळले आहेत. यामध्ये सुनीलने 6.72 च्या इकॉनॉमीसह 164 विकेट घेतल्या आहेत. त्याने फलंदाजीतही अप्रतिम कामगिरी केली आहे. त्याच्या नावावर 1048 धावा आहेत.
