Asia Cup Final : श्रीलंका वूमन्स क्रिकेट टीमने इतिहास रचला आहे. श्रीलंकेने टीम इंडियावर 8 विकेट्सने पराभव करत वूमन्स आशिया कप फायनल 2024 ट्रॉफी जिंकली आहे. तसेच आपला आशिया चषकाचा दुष्काळ संपवला आहे. आशिया कप जिंकण्याची श्रीलंकेची ही पहिलीच वेळ ठरली आहे. टीम इंडियाने श्रीलंकेला विजयासाठी 166 धावांचं आव्हान दिलं होतं. श्रीलंकेने हे आव्हान 18.4 ओव्हरमध्ये 2 विकेट्स गमावून पूर्ण केलं. श्रीलंकेकडून कॅप्टन चमारी अथापथू आणि हर्षिता समरविक्रमा या दोघींनी शानदार अर्धशतकी खेळी करत श्रीलंकेला विजय मिळवून दिला आहे.
अखेर आशिया कप विजयाची प्रतिक्षा संपली..
वूमन्स आशिया कप स्पर्धा 2004 पासून खेळवण्यात येत असून यंदाची ही 8 वी स्पर्धा होती. स्पर्धेच्या इतिहासात अंतिम सामन्यात तब्बल 5 वेळा श्रीलंकेच्या वाट्याला पराभवच आला. टीम इंडियानेच श्रीलंकेला पाचही वेळेस पराभूत केलं होतं. मात्र यंदा श्रीलंकेने बाजी मारली आणि 20 वर्षात पहिल्यांदाच आशिया कप ट्रॉफीवर आपलं नाव कोरलं. श्रीलंकेच्या या विजयासह 2 दशकांची आशिया कप विजयाची प्रतिक्षा संपली. तसेच वूमन्सने टीम इंडियाला पराभूत करत मेन्स टीमच्या पराभवाचा वचपाही घेतला.
टीम इंडिया वूमन्स प्लेइंग ईलेव्हन : हरमनप्रीत कौर (कॅप्टन), स्मृती मंधाना, शफाली वर्मा, उमा चेत्री, जेमिमा रॉड्रिग्स, रिचा घोष (विकेटकीपर), दीप्ती शर्मा, पूजा वस्त्राकर, राधा यादव, तनुजा कंवर आणि रेणुका ठाकूर सिंग.
श्रीलंका वूमन्स प्लेइंग ईलेव्हन : चमारी अथापथु (कर्णधार), विश्मी गुणरत्ने, हर्षिता समरविक्रमा, कविशा दिलहरी, निलाक्षी डी सिल्वा, अनुष्का संजीवनी (विकेटकीपर), हसिनी परेरा, सुगंधिका कुमारी, इनोशी प्रियदर्शनी, उदेशिका प्रबोधनी आणि सचिनि निसांसला.
