कोलंबो: टीम इंडियाला श्रीलंकेविरुद्धच्या वनडे मालिकेत सनसनाटी पराभवाला सामोरे जावे लागले आहे. कोलंबोमध्ये खेळल्या गेलेल्या तिसऱ्या एकदिवसीय सामन्यातही टीम इंडियाची फलंदाजी फ्लॉप ठरली आणि परिणामी श्रीलंकेकडून मालिका ०-२ ने गमावली. श्रीलंकेच्या 248 धावांना प्रत्युत्तर देताना टीम इंडियाचा डाव 138 धावांवर गडगडला. भारतीय संघ अवघ्या 26.1 षटकांत सर्वबाद झाला. हा पराभव देखील मोठा आहे, कारण भारताने 27 वर्षांनंतर श्रीलंकेकडून एकदिवसीय मालिका गमावली आहे. टीम इंडियाने शेवटची 1997 मध्ये श्रीलंकेविरुद्ध एकदिवसीय मालिका गमावली होती.
तिसऱ्या वनडेतही फलंदाज अपयशी ठरले
टीम इंडियात एकापेक्षा एक फलंदाज आहेत, असे म्हणता येईल. पण रोहित शर्माशिवाय श्रीलंकेच्या फिरकीला अनुकूल खेळपट्टीवर एकही फलंदाज आपली ताकद दाखवू शकला नाही. तिसऱ्या सामन्याबद्दल बोलायचे झाले, तर शुभमन गिल अवघ्या 6 धावा करून बाद झाला. विराट कोहलीलाही 20 धावा करता आल्या. ऋषभ पंतला वनडे मालिकेत प्रथमच संधी मिळाली, तो केवळ 6 धावा करू शकला. श्रेयस अय्यर 8, तर अक्षर पटेल 2 धावा करून बाद झाला. रियान परागने 15 धावा केल्या. शिवम दुबे केवळ 9 धावांचे योगदान देऊ शकला. शुभमन गिल व्यतिरिक्त सर्व फलंदाज फिरकीपटूंचे बळी ठरले.
श्रीलंकेच्या फिरकीपटूंची अप्रतिम कामगिरी
भारतीय संघाचा पराभव श्रीलंकेच्या फिरकीपटूंनीच निश्चित केला. यावेळी लेफ्ट आर्म स्पिनर दुनित वेल्लालगे टीम इंडियाला भगदाड पाडले. या लेफ्ट आर्म स्पिनरने अवघ्या 31 चेंडूत 5 विकेट घेत मालिकेत दुसऱ्यांदा पाच विकेट्स घेण्याचा पराक्रम केला. त्याच्याशिवाय लेगस्पिनर जेफ्री वँडरसेने 2 बळी घेतले. तीक्ष्णालाही एक विकेट मिळाली. फर्नांडोला एक विकेट मिळाली.
रोहित शर्माशिवाय वनडे मालिकेत टीम इंडियाकडून कोणीही खेळले नाही. 157 धावा करून तो मालिकेत अव्वल स्थानावर राहिला. त्याच्याशिवाय अक्षर पटेलला केवळ 79 धावा करता आल्या. विराट कोहलीने केवळ 58 धावा केल्या. गिल 57, सुंदरने 50 धावा केल्या. केएल राहुलने 31, तर अय्यरने केवळ 38 धावांचे योगदान दिले. टीम इंडियाने ही वनडे मालिका केवळ खराब फलंदाजीमुळे गमावल्याचे स्पष्ट झाले आहे.
