लखनऊ: समीर रिझवीचे वडील हसीन रिझवी यांनी त्यांचे मेहुणे साहेब तकीब यांच्यासाठी घराचे दरवाजे बंद केले होते. याचं एकमेव कारण होतं, ताकीब आपला भाचा समीरला क्रिकेटच्या वाटेवर घेऊन जात होते. स्वतः मामू तकीबलाही क्रिकेटर व्हायचे होते. जेव्हा त्यांचे हे स्वप्न पूर्ण झाले नाही तेव्हा त्यांनी आपला भाचा समीरला टीम इंडियाच्या जर्सीत पाहण्याचे नवीन स्वप्न पहिले. हे स्वप्न होते की पॅशन, हे यावरूनच कळू शकते की, गेली 14 वर्षे तकीब आपल्या भाच्यासोबत क्रिकेटच्या मैदानावर वेळ घालवत होता. मंगळवारी (19 डिसेंबर) त्यांच्या या कष्टाला फळ मिळाले.
समीर रिझवीला आयपीएल लिलावात 8.40 कोटी रुपये मिळाले. चेन्नई सुपर किंग्जने त्याला एवढ्या महागड्या किमतीत खरेदी केले. ही मोठी रक्कम मिळाल्यानंतर समीरने एका वृत्तपत्राशी बोलताना सांगितले की, ‘मामू नेहमीच माझ्यासोबत राहिले. मला वाटतं या 14 वर्षात असे 14 दिवसही गेले नसतील जेव्हा ते माझ्यासोबत मैदानावर नव्हते. माझ्यापेक्षा त्याचा माझ्यावर जास्त विश्वास होता. लिलावाच्या वेळीही त्यांनी मला बसण्यास भाग पाडले आणि बसून पाहण्यास सांगितले.
याबाबत ताकीबशी बोलले असता, तेआपल्या मेव्हण्याचे जुने टोमणे कथन करताना दिसले. समीरचे वडील त्याला कसे टोमणे मारायचे ते त्यांनी सांगितले. तकीब म्हणाले, ‘जेव्हाही भाऊजी मला पाहायचे तेव्हा म्हणायचे, त्याला खराब करू नकोस, तुझ्यासारखे बनू नकोस, तुला क्रिकेटमधून काय मिळाले. त्यावेळी मला त्यांचे बोलणे वाईट वाटायचे. पण, आता या गोष्टी आठवून आम्ही खूप हसतो. आज ते माझा हात धरून रडले. आमच्या कुटुंबासाठी हा खूप भावनिक क्षण होता.
समीरने वयाच्या 16 व्या वर्षी रणजी क्रिकेटमध्ये पदार्पण
समीर 2019-20 मध्ये प्रकाशझोतात आला. तेव्हा तो फक्त 16 वर्षांचा होता. एवढ्या लहान वयात त्याला प्रथम श्रेणीत पदार्पण करण्याची संधी मिळाली. समीरची क्षमता पाहून उत्तर प्रदेशचे प्रशिक्षक आणि माजी लेफ्ट आर्म स्पिनर सुनील जोशी यांनी त्याला संधी दिली. हळूहळू समीर लाल चेंडूच्या क्रिकेटपेक्षा पांढऱ्या चेंडूच्या क्रिकेटमध्ये चांगला खेळू लागला. त्याच्याकडे सामने पूर्ण करण्याची जबरदस्त क्षमता आहे. त्याला षटकार मारायला खूप आवडतात. देशांतर्गत टी-20 सामन्यांमध्ये त्याचा स्ट्राइक रेट 134.70 आणि फलंदाजीची सरासरी 49.16 आहे.
