बंगळुरू: आयपीएल 2024 च्या सहाव्या सामन्यात रॉयल चॅलेंजर्स बंगळुरूने पंजाब किंग्जचा 4 गडी राखून पराभव केला आहे. 6 विकेट पडल्यानंतर आरसीबीने महिपाल लोमरोरला फलंदाजीसाठी पाठवले. त्याची युक्ती कामी आली. वास्तविक 177 धावांचा पाठलाग करताना आरसीबीने 16.2 षटकात 130 धावांवर 6 विकेट गमावल्या. त्यानंतर पंजाब हा सामना जिंकेल असे वाटत होते, परंतु महिपाल लोमरोर आणि दिनेश कार्तिक यांनी आपल्या तुफानी फलंदाजीने सर्वांचेच लक्ष वेधून घेतले. कार्तिकने 10 चेंडूत 28 धावा करून नाबाद माघारी परतला आणि लोमराने 8 चेंडूत 17 धावा केल्या. कार्तिकच्या बॅटमधून 3 चौकार आणि 2 षटकार आले. तर लोमरोरने दोन चौकार आणि एक षटकार लगावला. तर विराट कोहलीने 49 चेंडूंत 11 चौकार आणि 2 षटकारांच्या मदतीने 77 धावा केल्या.
