Paris Olympics 2024 : पॅरिस ऑलिम्पिक 2024 मध्ये कांस्यपदक जिंकणा-या भारतीय हॉकी संघाचे आज भारतात आगमन झाले आहे. यावेळी दिल्ली विमानतळावर पोहोचल्यावर भारतीय हॉकी संघाचे जल्लोषात स्वागत करण्यात आले. पॅरिस ऑलिम्पिकमध्ये भारताने गुरुवारी स्पेनचा 2-1 असा पराभव करत कांस्यपदक जिंकले होते.
यावेळी भारताचा माजी क्रिकेटपटू सचिन तेंडुलकरने ऑलिम्पिक पदक विजेत्या भारतीय हॉकी टीमचे अभिनंदन केले. सलग दुसऱ्यांदा कांस्य पदक जिंकत भारतीय हॉकी संघाने आपली जीत ही कायम ठेवलेली आहे.
पॅरिस ऑलिम्पिक स्पर्धेत भारताचं हे चौथं मेडल आहे. यापूर्वी भारताने शुटिंगमध्ये तीन ब्रॉन्झ मेडल मिळवली होती. भारतीय हॉकी टीमनं या स्पर्धत ऑस्ट्रेलिया आणि ब्रिटनला पराभूत केले. सेमी फायनलमध्ये जर्मनीविरुद्ध पराभूत झाल्याने भारताचे गोल्ड मेडल जिंकण्याचे स्वप्न हुकले. भारतीय हॉकी टीमने आजवर ऑलिम्पिकमध्ये 8 गोल्ड मेडल जिंकली आहेत.
