नवी दिल्ली: रॉयल चॅलेंजर्स बंगळूरूने मुंबई इंडियन्सचा पराभव केला. हमनप्रीत कौरच्या नेतृत्वाखालील मुंबई इंडियन्सला 7 गडी राखून पराभव स्वीकारावा लागला. त्याचबरोबर या विजयानंतर स्मृती मंधानाची रॉयल चॅलेंजर्स बंगळुरू प्लेऑफमध्ये पोहोचली आहे. यापूर्वी दिल्ली कॅपिटल्स आणि मुंबई इंडियन्स प्लेऑफसाठी पात्र ठरल्या होत्या. दिल्ली कॅपिटल्स आणि मुंबई इंडियन्सचे समान 10-10 गुण आहेत. तर रॉयल चॅलेंजर्स बंगळुरू 8 गुणांसह प्लेऑफसाठी पात्र ठरले.
एलिस पेरी आणि रिचा घोष यांची शानदार खेळी
रॉयल चॅलेंजर्स बंगळुरूसमोर 114 धावांचे लक्ष्य होते. स्मृती मानधना यांच्या संघाने 15 षटकांत 3 गडी राखून लक्ष्य गाठले. आरसीबीकडून एलिस पेरीने सर्वाधिक धावा केल्या. एलिस पॅरी 38 चेंडूत 40 धावा करून नाबाद परतली. तर रिचा घोष 28 चेंडूत 36 धावा करून नाबाद राहिली. आरसीबीची कर्णधार स्मृती मानधनाने 13 चेंडूत 11 धावा केल्या. सोफी मोलिनक्स 9 धावा करून पॅव्हेलियनमध्ये परतली. तर शबनम इस्माईलच्या चेंडूवर सोफी डिव्हाईन 4 धावा करून बाद झाली.
शबनीम इस्माईलशिवाय मुंबई इंडियन्सकडून नॅट सीव्हर ब्रंट आणि हेली मॅथ्यूजने 1-1 बळी घेतला. तर सायका इशाक, पूजा वस्त्राकर आणि अमेलिया कार यांना यश मिळाले नाही.
