पुणे : ऑल इंडिया क्रिकेट असोसिएशन फॉर फिजिकल चॅलेंजच्या मान्यतेने जिल्ह्या दिव्यांग क्रिकेट संघटना व जिल्हा क्रिकेट संघटना यांच्या वतीने दोन दिवसीय दिव्यांग तिरंगी क्रिकेट स्पर्धेचे आयोजन नेहरू स्टेडियम येथील मैदानावर करण्यात आले आहे.
स्पर्धेचे उदघाटन अनिल जोगळेकर यांच्या हस्ते करण्यात आले. यावेळी ब्रिजेश सोलकर, सुरेश अय्या, राजेश्वरी पाटील, सामील शेख, सायली पोंक्षे, करसन घावरी, सौरभ रावलीया, शरद सावंत आदी मान्यवर उपस्थित होते.
या स्पर्धेतील पहिल्या लढतीत महाराष्ट्र संघाने कर्नाटक संघाला पराभूत केले. २० षटकांच्या या लढतीत कर्नाटक संघाने १८४ धावा केल्या. महाराष्ट्र संघाने हे आव्हान ३ गडी व १ षटक शिल्लक असताना पूर्ण करताना विजय नोंदविला. या गणेश नवगने यांना सामनावीर पुरस्काराने सन्मानित करण्यात आले.
ही स्पर्धा राजू मुजावर व शरद सावंत यांच्या वतीने आयोजित करण्यात आली आहे.
