पॅरिस: पॅरिस ऑलिम्पिकमध्ये लक्ष्य सेनने कडवी झुंज दिली. अप्रतिम कामगिरी केली, पण या भारतीय खेळाडूला पदक जिंकता आले नाही. पॅरिस ऑलिम्पिकच्या कांस्यपदकाच्या लढतीत लक्ष्य सेनला मलेशियाचा खेळाडू ली जी जियाकडून पराभव स्वीकारावा लागला आहे. मोठी गोष्ट म्हणजे लक्ष्य सेनने कांस्यपदकाच्या सामन्यातील पहिला गेम जिंकला होता. पण असे असतानाही तो सामना हरला. पहिला गेम 21-13 असा जिंकल्यानंतर लक्ष्यने दुसऱ्या गेममध्ये आपली लय गमावली. दुसऱ्या गेममध्ये मलेशियाच्या खेळाडूने 21-16 अशी बरोबरी साधत पुनरागमन केले. लक्ष्यने तिसरा गेम 21-11 असा गमावला.
