विशाखापट्टणम: दुसऱ्या कसोटीच्या पहिल्या दिवशी युवा फलंदाज यशस्वी जैस्वालने वन मॅन आर्मी असल्याचे सिद्ध केले. दुसऱ्या दिवसाचा खेळ सुरू झाला तेव्हा जैस्वालने द्विशतक झळकावत टीम इंडियाला ३९६ धावांपर्यंत नेले. प्रत्युत्तरादाखल इंग्लंडने दमदार सुरुवात केली. पण स्टार गोलंदाज जसप्रीत बुमराहच्या वेगवान गोलंदाजीसमोर इंग्लंडचा संघ हतबल झालेला दिसत होता. इंग्लंडकडून सलामीवीर जॅक क्रोली हा सर्वात मोठी धाव संख्या उभारणारा फलंदाज ठरला.
जॅक क्रॉलीने 76 धावांची शानदार खेळी खेळली, पण त्याचे शतकात रूपांतर करण्यात त्याला यश आले नाही. यानंतर जसप्रीत बुमराहने गुच्छांमध्ये विकेट घेत पाहुण्या संघाचे कंबरडे मोडले. बुमराहने सहा विकेट घेतल्या. त्याने कर्णधार बेन स्टोक्स, ऑली पोप, जॉनी बेअरस्टो, जो रूट या दिग्गजांना पॅव्हेलियनचा रस्ता दाखवला. घातक गोलंदाजीसमोर इंग्लंडचे फलंदाजांनी गुडघे टेकवले आणि संपूर्ण संघ अवघ्या 253 धावांवर गारद झाला. भारताकडून बुमराह व्यतिरिक्त कुलदीप यादवने 3 बळी घेतले तर अक्षर पटेलच्या खात्यात एक विकेट आली.
