IND vs NED : नवी दिल्ली : विश्वचषक स्पर्धेत 2023 मध्ये शामदार प्रदर्शन करत टीम इंडिया सेमीफायनलमध्ये जाण्यासाठी सज्ज झाली आहे. रविवारी नेदरलँड्सचा तब्बल १६० धावांनी पराभव केल्यानंतर आता भारतासमोर सेमीफायनलमध्ये पुन्हा एकदा न्यूझीलंडचं आव्हान असणार आहे. मात्र विश्वचषक स्पर्धेत 2023 चा इतिहास पाहिला तर हे आव्हान टीम इंडिया सहज पार करू शकेल. मात्र सामन्या व्यतिरीक्त एक गोष्ट आणखी खूप गाजतीये. ती म्हणजे विराट कोहली ५१ धावसंख्येवर असताना व्हॅन डे मार्वेच्या फिरकीवर बाद झाला. त्यावर पत्नी अनुष्काची रिअॅक्शन होती, ती सध्या गाजत आहे.
विराट कोहली वैयक्तिक ५१ धावसंख्येवर असताना व्हॅन डे मार्वेच्या फिरकीवर बाद झाला. यंदाच्या विश्वचषकात पहिल्यांदाच विराट कोहली फिरकीसमोर बाद झाला. मात्र, तो बाद झाल्यानंतर स्टेडियममध्ये उपस्थित असलेली त्याची पत्नी अनुष्काचा त्यावर विश्वासच बसला नाही. त्याचबरोबर विराट बाद झाल्यामुळे तिचाही भ्रमनिरास झाल्याचं तिच्या चेहऱ्यावरून स्पष्ट दिसत होतं. याचा व्हिडीओ सध्या सोशल मीडियावर व्हायरल होत आहे.
दरम्यान, आधी विराटची स्वत:ची विकेट गेल्यानंतर जसे अनुष्काचे हावभाव व्हायरल होत आहेत, तशीच जेव्हा विराटनं स्वत: विकेट घेतली, तेव्हाही अनुष्काचा त्यावर विश्वास बसला नाही. विराट कोहलीनं नेदरलँड्सचा कर्णधार स्कॉट एडवर्ड्सची विकेट घेतल्यानंतर अनुष्का शर्मानं अगदी मनापासून हसत त्या विकेटवर आपलं आश्चर्य व्यक्त केलं. हा व्हिडीओही सध्या व्हायरल होत आहे.
