IND vs AUS Final: अहमदाबाद: टीम इंडियाने गेल्या 10 सामन्यांमध्ये अविश्वसनीय कामगिरी करताना फायनलमध्ये धडक मारली. मात्र, फायनलमध्ये ऑस्ट्रेलिया विरुद्ध टीम इंडिया अडखळताना दिसत आहे. टीम इंडियाची सुरुवात अत्यंत निराशाजनक झाली असून पहिल्यांदाच स्पर्धेमध्ये ते बॅकफुटवर गेल्याचे दिसून येत आहे.
भारतीय संघाचा निम्मा संघ 178 धावांवर पॅव्हेलियनमध्ये परतला आहे. रवींद्र जडेजा 22 चेंडूत 9 धावा करून बाद झाला. जोश हेझलवूडने त्याला यष्टिरक्षक जोश इंग्लिसकरवी झेलबाद केले. आता सूर्यकुमार यादव लोकेश राहुलसोबत क्रीजवर आहे. अर्धशतक झळकावल्यानंतर राहुल भक्कमपणे उभा आहे आणि भारताला त्याच्याकडून मोठ्या खेळीची अपेक्षा आहे. राहुलला शेवटपर्यंत क्रीजवर राहून मोठी धावसंख्या उभारावी लागणार आहे. 37 षटकांनंतर भारताची धावसंख्या 179/5 आहे.
