पुणे : टीम इंडियाचा माजी कर्णधार आणि चेन्नईचा विकेटकीपर बॅट्समन महेंद्रसिंह धोनी याने फेसबुक पोस्ट करत मोठी घोषणा केली आहे.
महेंद्रसिंह धोनीने फेसबुकवर तीन वाक्यांची पोस्ट केली आहे. या पोस्टमधून मोठी घोषणा केली आहे. ती घोषणा म्हणजे, “झेप घेण्याची वेळ आहे. जे महत्त्वाचे आहे ते करण्याची वेळ आली आहे. मी माझी स्वत:ची टीम सुरु करत आहे!” असं महेंद्रसिंह धोनीने फेसबूक पोस्टमध्ये म्हटलं आहे. आता धोनीची नवी टीम कोणती असणार? ती टीम क्रिकेट संबंधित असणार की आणखी काही? याबाबतची उत्सुकता क्रिकेट चाहत्यांना आणि धोनीच्या फॉलोवर्सला आहे.
महेंद्रसिंह धोनीच्या चाहत्यांची क्रेझ फक्त भारतातच नाही तर जगभरात आहे. आता धोनीची नवी टीम कोणती असणार? धोनीच्या टीमचा कॅप्टन तो स्वत:च असणार की आणखी कुणी? याबाबत चाहत्यांना उत्सुकता लागून आहे. धोनीच्या पुढील भुमिकेची माहिती ही त्याच्या सोशल मीडियावरुनच मिळेलच. त्यामुळे धोनीच्या या पोस्टमधील नवीन टीम याचा अर्थ हा येत्या काही दिवसात लवकरच स्पष्ट होईल, अशी आशा धोनी चाहत्यांना आहे.
