(ICC Rankings) पुणे : आयसीसीने जाहीर केलेल्या यादीत (ICC Rankings) आयसीसीच्या कसोटी गोलंदाजांच्या यादीत आर अश्विन ८६९ रेटिंग पॉईंट्ससह अव्वल स्थानी विराजमान झाला आहे. तर इंग्लंडचा दिग्गज गोलंदाज जेम्स अँडरसन ८५९ रेटिंग पॉईंट्ससह दुसऱ्या स्थानी आहे.
आर अश्विनला मोठा फायदा…!
आंतरराष्ट्रीय क्रिकेट परिषदेने (आयसीसीने) नुकताच कसोटी गोलंदाजांची यादी जाहीर केली आहे. ज्यात भारतीय संघातील दिग्गज फिरकी गोलंदाज आर अश्विनला मोठा फायदा झाला आहे. आर अश्विन आणि जेम्स अँडरसन संयुक्तरित्या अव्वल स्थानी होते. मात्र आता आर अश्विनने जोरदार कामगिरी करत पुन्हा एकदा अव्वल स्थान मिळवले आहे.
नुकताच जाहीर करण्यात आलेल्या आयसीसीच्या कसोटी गोलंदाजांच्या यादीत पहिल्या आणि दुसऱ्या स्थानात १० पॉईंट्सचे अंतर आहे. आता अॅशेस मालिकेला प्रारंभ होणार आहे. या मालिकेत जेम्स अँडरसनकडे आपले अव्वल स्थान पुन्हा एकदा मिळवण्याची संधी असणार आहे.
दरम्यान, आयसीसीने जाहीर केलेल्या गोलंदाजांच्या यादीत ३ भारतीय गोलंदाज आहेत. आर अश्विन अव्वल स्थानी विराजमान आहे. तर जसप्रीत बुमराह सातव्या आणि अष्टपैलू खेळाडू रवींद्र जडेजा हा नवव्या स्थानी आहे.
अधिक बातम्या वाचण्यासाठी येथे क्लिक करा…!
Pune News : लोणावळा वॅक्स म्युझियम मध्ये रामविलास पासवान यांचा मेणाचा पुतळा!
