नवी दिल्ली : लोकसभा निवडणुकीपूर्वी भारतीय जनता पक्षाचा खासदार आणि क्रिकेटपटू गौतम गंभीर याने मोठा निर्णय घेऊन सर्वांनाच आश्चर्याचा धक्का दिला आहे. गौतम गंभीरने राजकारणापासून दूर राहण्याचा निर्णय घेतला आहे. यावेळी तो लोकसभा निवडणूक लढवणार नसल्याचे स्पष्ट झाले आहे. क्रिकेटमुळे मला राजकीय जबाबदारीतून मुक्त व्हायचे आहे, असे तो म्हणाला. त्याने भाजपचे अध्यक्ष जेपी नड्डा यांना आपल्याला कर्तव्यातून मुक्त करण्याची विनंती केली आहे.
गौतम गंभीरने शनिवारी सकाळी त्याच्या सोशल मीडिया अकाउंट X वर लिहिले, ‘मी पक्षाचे माननीय अध्यक्ष जेपी नड्डा यांना माझ्या राजकीय कर्तव्यातून मुक्त करण्याची विनंती केली आहे. जेणेकरून मी माझ्या आगामी क्रिकेट वचनबद्धतेवर लक्ष केंद्रित करू शकेन. मला जनतेची सेवा करण्याची संधी दिल्याबद्दल मी माननीय पंतप्रधान नरेंद्र मोदीजी आणि माननीय गृहमंत्री अमित शाह जी यांचे मनापासून आभार मानतो. जय हिंद!’
पूर्व दिल्लीतील भाजप खासदार गौतम गंभीर यावेळी लोकसभा निवडणूक लढवणार नाही. त्याच्या ट्विटने हे संकेत दिले आहेत. यामुळेच त्याने राजकीय जबाबदारीतून मुक्त होण्याचे आवाहन केले आहे. गौतम गंभीर 2011 मध्ये वर्ल्ड चॅम्पियन टीम इंडियाचा भाग होता. एवढेच नाही तर 2011 च्या विश्वचषकात त्याने आपल्या फलंदाजीने मोठे योगदान दिले होते.
I have requested Hon’ble Party President @JPNadda ji to relieve me of my political duties so that I can focus on my upcoming cricket commitments. I sincerely thank Hon’ble PM @narendramodi ji and Hon’ble HM @AmitShah ji for giving me the opportunity to serve the people. Jai Hind!
— Gautam Gambhir (@GautamGambhir) March 2, 2024
