IPL 2024 मुंबई: राजस्थान रॉयल्सने मुंबई इंडियन्सचा नऊ गडी राखून पराभव केल्यानंतर भारताचा माजी फिरकी गोलंदाज हरभजन सिंगने मोठी मागणी केली आहे. रोहित शर्मानंतर संजू सॅमसनला भारताचा पुढचा टी-२० कर्णधार बनवायला हवे, असे हरभजनचे म्हणणे आहे. सॅमसनच्या नेतृत्वाखाली राजस्थानने या मोसमात चमकदार कामगिरी करत आतापर्यंत आठपैकी सात सामने जिंकले असून गुणतालिकेत ते अव्वल स्थानावर कायम आहेत.
सॅमसनने मुंबईविरुद्ध 28 चेंडूत 38 धावांची नाबाद खेळी खेळली. यावेळी त्याचा स्ट्राइक रेट 135.71 होता. आठव्या षटकात क्रीजवर आलेल्या सॅमसनने आपल्या डावात दोन चौकार आणि दोन षटकार मारले. मुंबईविरुद्ध १०४ धावांची नाबाद खेळी करणाऱ्या सलामीवीर यशस्वी जैस्वालचेही हरभजनने कौतुक केले. हरभजन म्हणाला की, यशस्वीची खेळी हा त्याचा क्लास कायम असल्याचा पुरावा आहे.
‘सॅमसन टी-20 विश्वचषक संघात असावा’
हरभजन म्हणाला की, आता सॅमसन टी-20 विश्वचषकात खेळण्याबाबत कोणताही वाद होऊ नये. जागतिक स्पर्धेसाठी हा यष्टीरक्षक फलंदाज भारतीय संघात असावा, असे तो म्हणाला. हरभजनने X वर पोस्ट करत लिहिले, यशस्वी जैस्वालची खेळी हा क्लास कायमस्वरूपी आहे, तर फॉर्म तात्पुरता आहे, याचा पुरावा आहे. याशिवाय यष्टीरक्षक फलंदाजाबाबत वाद होऊ नयेत आणि टी-२० विश्वचषकासाठी संजू सॅमसन भारतीय संघात असावा. रोहित शर्मानंतर संजूला भारताचा पुढचा टी-२० कर्णधार बनवायला हवा.
Yashasvi Jaiswal’s knock is a proof of class is permanent . Form is temporary @ybj_19 and there shouldn’t be any debate about Keepar batsman . @IamSanjuSamson should walks in to the Indian team for T20 worldcup and also groomed as a next T20 captain for india after rohit . koi…
— Harbhajan Turbanator (@harbhajan_singh) April 22, 2024
राजस्थानचा सातवा विजय :
राजस्थानने मुंबईचा नऊ गडी राखून पराभव करत गुणतालिकेत अव्वल स्थान कायम राखले आहे. राजस्थानचा या मोसमातील हा सातवा विजय आहे. तत्पूर्वी, नाणेफेक जिंकून प्रथम फलंदाजी करण्याचा निर्णय घेत मुंबई इंडियन्सने 20 षटकांत नऊ गडी गमावून 179 धावा केल्या. प्रत्युत्तरात राजस्थानने 18.4 षटकांत एका विकेटच्या मोबदल्यात 183 धावा करून सामना जिंकला. या मोसमातील आठ सामन्यांमधला मुंबईचा हा पाचवा पराभव असून सहा गुणांसह ते गुणतालिकेत सातव्या स्थानावर आहे. राजस्थानसाठी या सामन्यात वेगवान गोलंदाज संदीप शर्माने चमकदार कामगिरी करत पाच विकेट घेतल्या, तर मुंबईच्या गोलंदाजांना राजस्थानची एकच विकेट घेता आली. पियुष चावलालाही ही विकेट मिळाली.
