पुणे : इंग्लंड आणि श्रीलंका यांच्यात झालेलासामना शेवटच्या षटकापर्यंत रंगला होता. अखेर इंग्लंडने सामना ४ विकेट्स राखून जिंकत सेमी फायनलचे तिकिट निश्चित केले. इंग्लंडच्या या विजयाबरोबरच यजमान आणि गतविजेत्या ऑस्ट्रेलियाने अधिकृतरित्या सुपर १२ फेरीतच गाशा गुंडाळला आहे.
टी-20 वर्ल्ड कपमध्ये ग्रुप १ मधील दोन संघ आता निश्चित झाले असून. इंग्लंड संघाने श्रीलंकेचा पराभव करत सेमी फायनलचं तिकीट पक्क केलं आहे. श्रीलंकेने प्रथम फलंदाजी करत निर्धारित २० षटकात १४१ धावा केल्या होत्या. शेवटच्या षटकापर्यंत गेलेल्या सामन्यामध्ये इग्लंडने हे आव्हान पूर्ण करत सेमी फायनलमध्ये धडक मारली आहे.
श्रीलंकेनं दिलेलं १४२ धावांचं आव्हान इंग्लंडनं ४ विकेटस राखून पार केलं. इंग्लंडसाठी आजचा सामना महत्त्वाचा होता. इंग्लंडनं श्रीलंकेला पराभूत केल्यानं त्यांचा उपात्य फेरीतील प्रवेश निश्चित झाला आहे. तर, वर्ल्डकप विजेता ऑस्ट्रेलिया संघ मात्र स्पर्धेबाहेर गेला आहे. श्रीलंकेकडून पथुम निसांका यानं ६७ धावा केल्या मात्र त्याला इतर खेळाडूंची साथ न मिळाल्यानं श्रीलंकेला मोठी धावसंख्या उभारता आली नाही.
