मुंबई: टीम इंडियाचा माजी यष्टीरक्षक फलंदाज दिनेश कार्तिकने यावर्षी निवृत्तीची घोषणा केली आहे. पण आता तो दक्षिण आफ्रिकेत होणाऱ्या एसए टी-२० चा भाग असेल. तो राजस्थान रॉयल्सची फ्रेंचायझी टीम पार्ल रॉयल्सकडून खेळताना दिसणार आहे. खेळासोबतच समालोचक म्हणूनही कार्तिकने आपला ठसा उमटवला आहे. या सगळ्या दरम्यान दिनेश कार्तिकने त्याचा एक अनुभव सांगितला, ज्याने सर्वांनाच हादरवून सोडले आहे. त्याने 2013 मध्ये त्याच्यासोबत घडलेली एक घटना सांगितली आहे.
जेव्हा कार्तिकने भीतीच्या सावटाखाली रात्र काढली
दिनेश कार्तिकने नुकताच खुलासा केला आहे की, 2013 मध्ये जेव्हा तो संघासोबत दक्षिण आफ्रिकेच्या दौऱ्यावर गेला होता, तेव्हा त्याला एका भयानक रात्रीचा सामना करावा लागला होता. कार्तिकने उघड केले की, त्याला रात्री त्याच्या खोलीत काही हालचाल जाणवली, परंतु त्या रात्री त्याने नेमके काय पाहिले हे त्याला माहित नाही. 2013 मध्ये दक्षिण आफ्रिकेत ट्राय सिरीज खेळली गेली होती. जिथे भारताने अंतिम फेरीत ऑस्ट्रेलियाला हरवून मालिका जिंकली होती.
SA T20 लीगचा भाग असणारा पहिला भारतीय
आता कार्तिक पुन्हा एकदा दक्षिण आफ्रिकेत खेळण्यासाठी सज्ज झाला आहे. रॉयल्सने SA20 च्या तिसऱ्या सत्रासाठी कार्तिकची परदेशी खेळाडूंपैकी एक म्हणून निवड केली आहे. यासह या लीगमध्ये खेळणारा तो पहिला भारतीय ठरणार आहे. या लीगमध्ये भाग घेतल्याबद्दल कार्तिक म्हणाला, माझ्याकडे दक्षिण आफ्रिकेत खेळण्याच्या आणि जाण्याच्या खूप आठवणी आहेत आणि जेव्हा ही संधी आली तेव्हा मी नाही म्हणू शकलो नाही. कारण स्पर्धात्मक क्रिकेटमध्ये परतणे आणि ही अविश्वसनीय स्पर्धा जिंकणे खूप छान असेल. रॉयल्ससह विशेष असेल. खूप अनुभव, गुणवत्ता आणि क्षमता असलेल्या पार्ल रॉयल्स संघात सामील होताना मला खूप आनंद होत आहे. मी नक्कीच या गटात सामील होण्यासाठी आणि एका रोमांचक हंगामात योगदान देण्यासाठी उत्सुक आहे.
दिनेश कार्तिकने त्याच्या आंतरराष्ट्रीय कारकिर्दीत एकूण 26 कसोटी, 94 एकदिवसीय आणि 60 टी-20 आंतरराष्ट्रीय सामने खेळले. याशिवाय त्याने 167 प्रथम श्रेणी सामने, 260 लिस्ट ए आणि 401 टी-20 सामने खेळले आहेत. कार्तिकने कसोटीत १०२५ धावा केल्या. एकदिवसीय सामन्यात त्याने आपल्या बॅटने 1752 धावा केल्या. तर T20 मध्ये त्याने 686 धावा केल्या होत्या. या खेळाडूने आपल्या प्रथम श्रेणी कारकिर्दीत 28 शतके आणि लिस्ट A मध्ये 12 शतके झळकावली. आंतरराष्ट्रीय क्रिकेटमध्ये त्याला केवळ एकच शतक करता आले. तो 2007 च्या T20 विश्वचषक विजेत्या संघाचा देखील एक भाग होता आणि 2013 मध्ये त्याने चॅम्पियन्स ट्रॉफी जिंकली होती.
