Delhi Capitals IPL 2023 : आयपीएलमधील दिल्ली कॅपिटल्स संघाच्या फलंदाजांची बॅट, पॅड, हातमोजे आणि बूट ही चोरीला गेल्याची माहिती मिळाली आहे. यामध्ये तब्बल १६ बॅट गायब झाल्या आहेत. विदेशी खेळाडूंच्या बॅटही चोरीला गेल्या असून प्रत्येक बॅटची किंमत सुमारे १ लाख आहे. या प्रकरणी तक्रार दाखल करण्यात आली आहे.
इंडियन एक्सप्रेसनं या संदर्भातील वृत्त दिल आहे. बेंगळुरूमध्ये रॉयल चॅलेंजर्स बंगळुरू विरुद्ध सामना खेळल्यानंतर जेव्हा दिल्ली कॅपिटल्सचे खेळाडू दिल्लीला पोहोचले. त्यांच्या किट बॅग त्यांच्यापर्यंत पोहोचल्या, तेव्हा त्यांना धक्काच बसला.
कॅप्टन डेव्हिड वॉर्नरच्या ३ बॅट, मिचेल मार्शच्या २ बॅट, फिल सॉल्टच्या ३ आणि यश धुलच्या ५ बॅट चोरीला गेल्याचं लक्षात आलं. याशिवाय काही खेळाडूंचे पॅड, काहींचे हातमोजे, काहींचे शूज आणि क्रिकेटचे इतर साहित्य दिल्लीत पोहोचलं नाही. त्यामुळं खळबळ उडाली आहे.
दरम्यान, दिल्ली कॅपिटल्स फ्रँचायझीनं या प्रकरणी तक्रार दाखल केली आहे. दिल्ली कॅपिटल्सशी संबंधित सूत्रांनी दिलेल्या माहितीनुसार, ‘प्रत्येकाच्या किट बॅगमधून काही ना काही गहाळ झालं आहे. अशी घटना पहिल्यांदाच घडली आहे.
हे प्रकरण लॉजिस्टिक विभाग, पोलीस आणि नंतर विमानतळ प्राधिकरणाकडं देण्यात आलं आहे. या संबंधी तपास सुरू आहे.
