Cricket News : भारतीय संघ सध्या वेस्ट इंडिज दौऱ्यावर असून, या दौऱ्यात पहिल्यांदा वेस्ट इंडिज आणि भारत संघांत दोन सामन्यांची कसोटी मालिका खेळली जाणार आहे. टीम इंडिया बार्बाडोसमधील सराव सामन्यानंतर दोन सामन्यांच्या कसोटी मालिकेसाठी डॉमिनिकाला रवाना झाला आहे. संघाला 12 जुलैपासून विंडसर पार्क स्टेडियमवर पहिला कसोटी सामना खेळायचा आहे. ही कसोटी मालिका जागतिक कसोटी चॅम्पियनशिपचा भाग असणार आहे.(Cricket News)
12 जुलैपासून विंडसर पार्क स्टेडियमवर पहिला कसोटी सामना रंगणार.
वेस्ट इंडिज दौऱ्यासाठी भारतीय संघ 1 जुलैलाच बार्बाडोसला पोहोचला होता. संघाने तिथे जोरदार सराव केला आणि आता सामन्याचे ठिकाण असलेल्या डॉमिनिकाला रवाना झाला आहे. टीम इंडिया रवाना झाल्याचे फोटो बीसीसीआयने आपल्या अधिकृत ट्विटर अकाऊंटवर शेअर केले आहेत. यामध्ये विराट कोहली, रोहित शर्मा आणि इतर जण आदिदासच्या काळ्या ट्रेनिंग जर्सीत दिसत आहेत.
भारत आणि वेस्ट इंडिज यांच्यात पहिली कसोटी मालिका होणार आहे. ज्यामध्ये दोन कसोटी सामने होतील.(Cricket News)
