पुणे : सेंट व्हिन्सेंट आणि जेएन पेटिट टेक्निकल प्रशाला संघांनी शनिवारी येथील लॉयला फुटबॉल चषक स्पर्धेत चमकदार विजयाची नोंद केली.
लॉयला फुटबॉल चषक स्पर्धेतील १२ वर्षांखालील गटात सेंट व्हिन्सेंटच्या एचएस संघाने कल्याणी शाळेचा १-० असा पराभव केला. सम्यक भंडारीने सामन्यातील एकमात्र विजयी गोल १९व्या मिनिटाला केला. मुलांच्या १४ वर्षांखालील गटात मात्र, कल्याणी शाळेने सेंट व्हिन्सेंट एचएस संघाला गोलशून्य बरोबरीत रोखले.
जे.एन. पेटिट प्रशाला संघाने दोन विजय मिळविले. मुलांच्या १४ वर्षांखालील गटात जे.एन. पेटिटने पाच मिनिटांच्या कालावधीत दोन गोल करत विद्या भवनला २-० असे पराभूत केले. सिद्धांत साळुंकेने ४३, तर सादिक सय्यदने ४८व्या मिनिटाला गोल केला.
त्यानंतर निधिश भोसलेने (५वा, ४९वे मिनिट) केलेल्या दोन गोलच्या जोरावर जे.एन. पेटिट प्रशाला संघाने १६ वर्षांखालील गटातही विद्या भवन प्रशाला संघावर २-० असाच विजय मिळविला.
स्पर्धेचा निकाल पुढीलप्रमाणे
१२ वर्षांखालील गटातील लढती
सेंट व्हिन्सेंट प्रशाला : १ (सम्यक भंडारी १९वे मिनिट) वि.वि. कल्याणी स्कूल: ०
१४ वर्षांखालील गटातील लढती
सेंट व्हिन्सेंट प्रशाला ० अनिर्णित वि. कल्याणी स्कूल ०
जेएन पेटिट : २ (सिद्धांत साळुंके ४३वे; सादिक सय्यद ४८वे मिनिट) वि.वि. विद्या भवन प्रशाला ०
१६ वर्षांखालील गटातील लढती :
जेएन पेटिट : २ (निधीश भोसले ५वे, ४९वे मिनिट) वि.वि. विद्या भवन प्रशाला ०
निकाल (गुरुवार):
१२ वर्षाखालील गटातील लढती
एसएसपीएमएस (बोर्डिंग): ४ (रक्षीद पाटील २रे, १८वे; स्वराज माने ११वे; भद्रा निकुभ २५वे) वि.वि. डॉ. शामराव कलमाडी प्रशाला : 0
१४ वर्षांखालील गटातील लढती
डॉ. शामराव कलमाडी प्रशाला : १ (रुद्र नलावडे २५वे मिनिट) वि.वि. एसएसपीएमएस (बोर्डिंग) : ०
डॉ. शामराव कलमाडी प्रशाला : ५ (तनिश अयचिते ६, २०, ३०वे मिनिट; दर्श सोळंकी ४४, ६१वे मिनिट) वि. वि. एसएसपीएमएस (बोर्डिंग) : २ (श्रीनिवास महाले ८, ६३वे मिनिट)
