सागर जगदाळे
Bhigwan News : भिगवण : पुणे जिल्हा क्रीडा कार्यालय, युवक सेवा संचलनालय, क्रीडा अधिकारी व क्रीडा शिक्षक संघटना, पुणे यांच्या अंतर्गत घेण्यात आलेल्या जिल्हास्तरीय शालेय कबड्डी स्पर्धेमध्ये एल. जी. बनसुडे विद्यालयातील १७ वर्षे वयोगटातील मुलींच्या संघाने दौंड या संघाचा १७ गुणांनी पराभव करत प्रथम क्रमांक मिळविला. तसेच १९ वर्षे वयोगटातील मुलांच्या संघाने दौंड संघाचा ७ गुणांनी पराभव करत प्रथम क्रमांक मिळवला.
शिक्षक-शिक्षकेतर कर्मचारी व संस्थेचे विश्वस्त यांनी केले अभिनंदन
या दोन्ही संघांची विभागीय कबड्डी स्पर्धेसाठी निवड झाली. (Bhigwan News) तसेच १४ वर्षे वयोगटातील मुलींच्या संघाने उत्कृष्ट कामगिरी केल्याबद्दल सर्व खेळाडूंचे व मार्गदर्शक शिक्षक सागर बनसुडे व रुपेश भालेराव यांचे संस्थेचे संस्थापक अध्यक्ष हनुमंत बनसुडे, उपाध्यक्ष डॉ. शितल कुमार, कार्याध्यक्षा नंदाताई बनसुडे, सचिव नितीन बनसुडे, प्राचार्या वंदना बनसुडे, मुख्याध्यापक राहुल वायसे, ज्योती मारकड तसेच सर्व शिक्षक-शिक्षकेतर कर्मचारी व संस्थेचे विश्वस्त यांनी अभिनंदन केले. तसेच पुढील वाटचालीसाठी शुभेच्छा दिल्या.
अधिक बातम्या वाचण्यासाठी येथे क्लिक करा :
Bhigwan News : पळसनाथच्या अहिल्या शिंदेची कुस्ती स्पर्धेत ‘सुवर्ण’ कामगिरी
