मेलबर्न: ऑस्ट्रेलियन ओपनमधून भारतीय चाहत्यांसाठी आनंदाची बातमी येत आहे. भारताचा अनुभवी रोहन बोपण्णा आणि त्याचा साथीदार मॅट एबडेनने पुरुष दुहेरीचे विजेतेपद पटकावले. ऑस्ट्रेलियन ओपनच्या अंतिम सामन्यात रोहन बोपण्णा आणि मॅट एबडॉन या जोडीने इटलीच्या सिमोन बोलेली आणि वावसोरी यांचा पराभव केला. रोहन बोपण्णा आणि मॅट एबडेन यांनी सिमोन बोलेली आणि वावसोरी यांचा ७-६, ७-५ असा पराभव केला. अशा प्रकारे रोहन बोपण्णा हा ग्रँडस्लॅम जिंकणारा सर्वात वयस्कर खेळाडू ठरला आहे.
