पुणे : भारत आणि श्रीलंका यांच्यातील तीन एकदिवसीय सामन्यांच्या मालिकेतील शेवटचा सामना तिरुवनंतपुरमच्या ग्रीनफिल्ड आंतरराष्ट्रीय क्रिकेट स्टेडियमवर होत आहे. मात्र स्टेडियमच्याबाहेर धोनीचा तब्बल ५० फुट मोठा कटआऊट लावण्यात आला आहे.
धोनीच्या केरळमधील चाहत्यांनी त्यांच्या आवडत्या स्टारसाठी हा कटआऊट लावला आहे ज्याचे फोटो सोशल मीडियावर मोठ्या प्रमाणात व्हायरल होत आहेत. धोनीच्या या विशाल कटआउटमध्ये तो बॅट घेऊन उभा दिसत आहे. भारतातील धोनीचा हा सर्वात मोठा कटआउट आहे.
MS Dhoni, Virat Kohli, Rohit Sharma & Sanju Samson’s cutouts in Kerala. pic.twitter.com/rtxK4sDpEy
— CricketMAN2 (@ImTanujSingh) January 14, 2023
धोनीशिवाय विराट, रोहित आणि संजूचे कटआउट्सही लावण्यात आले होते. महेंद्रसिंग धोनी व्यतिरिक्त भारताचा महान फलंदाज विराट कोहली, कर्णधार रोहित शर्मा आणि स्टार फलंदाज संजू सॅमसन यांचेही कटआउट ग्रीनफिल्ड आंतरराष्ट्रीय क्रिकेट स्टेडियमच्या बाहेर लावण्यात आले आहेत. भारतीय संघातील या स्टार खेळाडूंचे मोठे कटआउट्स चाहत्यांना खूप आवडत असून आजच्या सामन्यावेळी हे स्टेडियमजवळील आकर्षणाचे प्रमुख केंद्र बनले आहे.
