कात्रज : कात्रज परिसरात गेल्या दोन दिवसांपासून झालेल्या मुसळधार पावसामुळे ओढ्यांना व नाल्यांना पूर आला आहे. दरम्यान, कात्रज येथील लेक टाऊन शेजारी असणाऱ्या आंबील ओढ्यात मासे पकडण्यासाठी गेलेला तरुण ड्रेनेज लाईनमधून वाहून गेल्याची धक्कादायक घटना गुरुवारी घडली आहे.
अक्षय संदेश साळुंखे (वय ३१) असे तरुणाचे नाव आहे. आंबील ओढ्यात पाण्याचा प्रवाह जास्त असल्यामुळे ही दुर्घटना घडली आहे. भारती विद्यापीठ पोलीस व कात्रज अग्निशामक दलाच्या अधिकाऱ्यांनी घटनास्थळी भेट देऊन माहिती घेत, तरुणाचे शोधकार्य सुरू केले आहे.
