पुणे : डोळे वटारुन बघीतल्याच्या करणावरुन चार जणांनी एका तरुणाला बेदम मारहाण केल्याची घटना गंजपेठ येथे घडली. याप्रकरणी आता खडक पोलिसांनी आरोपींवर गुन्हा दाखल करून अटक केली आहे. मारहाणीचा हा प्रकार एच.पी. लोहियानगर, गंजपेठ येथे बुधवारी (दि.14) सायंकाळी 5.30 च्या सुमारास घडला होता.
या घटनेत पोलिसांनी कुणाल गुळुंजकर, अतुल कांबळे, सोन्या कांबळे, आकाश कांबळे यांच्यावर आयपीसी 326, 324, 504, 34 सह आर्म अॅक्ट गुन्हा दाखल केला आहे. अनिकेत कोळी (वय-22 रा. एच.पी. लोहियानगर, गंजपेठ, पुणे) याला आरोपींनी पालघन, चाकू व दगडाने मारहाण करुन गंभीर जखमी केले होते.
मिळालेल्या माहितीनुसार, आरोपी आणि फिर्यादी ऐकमेकांच्या ओळखीचे आहेत. अनिकेत याने आरोपींकडे डोळे वटारुन पाहिल्याचा राग मनात धरून अनिकेतला शिवीगाळ केली. तसेच हाताने लाथा बुक्क्यांनी मारहाण केली. आरोपींनी फिर्यादी यांना पालघन, चाकू व दगडाने मारहाण करुन गंभीर जखमी केले. पुढील तपास सहायक पोलीस निरीक्षक विक्रम मिसाळ करत आहेत.
