राहुलकुमार अवचट
Yavat News : यवत : शेतातील बोरला पाणी लागल्याने परडी भरण्याच्या कार्यक्रमासाठी जात असताना शेतातील वादातून दाम्पत्याला चुलत्यासह चुलत भावांनी बेदम मारहाण केल्याची घटना घडली. ही घटना वरवंड (ता. दौंड) ग्रामपंचायत हद्दीतील सातपुते वस्तीजवळ शुक्रवारी (ता.१) सायंकाळी साडेपाच वाजण्याच्या सुमारास घडली. याप्रकरणी यवत पोलीस ठाण्यात ४ जणांवर गुन्हा दाखल करण्यात आला आहे.
दौंड तालुक्यातील वरवंड येथील घटना
विजय दिगंबर दिवेकर व आशा विजय दिवेकर अशी मारहाण झालेल्या दाम्पत्याची नावे आहेत. तर कालीदास दगडोबा दिवेकर, संगिता कालीदास दिवेकर, अक्षय कालीदास दिवेकर व अमोल कालीदास दिवेकर (सर्व रा.वरवंड, पाटीलमळा, ता.दौंड, जि.पुणे) अशी गुन्हा दाखल झालेल्या आरोपींची नावे आहेत.
पोलिसांनी दिलेल्या माहितीनुसार, शिवाजी सातपुते यांच्या शेतातील बोरला पाणी लागल्याने परडी भरण्याच्या कार्यक्रमासाठी फिर्यादी विजय देवकर हे पत्नीसह चालले होते. तेव्हा फिर्यादी विजय दिवेकर यांचे चुलते कालीदास दिवेकर, चुलती संगिता दिवेकर, चुलतभाऊ अक्षय दिवेकर व अमोल दिवेकर यांनी शेतात जाणाऱ्या सामाईक रस्त्याचा वाद उकरून काढला (Yavat News) आणि फिर्यादी विजय देवकर यांना शिवीगाळ, दमदाटी करून हाताने मारहाण केली. तर चुलते कालीदास दिवेकर यांनी तेथे पडलेल्या फावड्याच्या लाकडी दांड्याने छातीवर मारहाण केली. यावेळी विजय दिवेकर यांच्या पत्नी आशा दिवेकर या भांडण सोडवण्यासाठी आली असता त्यांना देखील चौघांनी हाताने व लाथाबुक्क्यांनी मारहाण केली, अशी फिर्यादी विजय देवकर यांनी दिली आहे.
याप्रकरणी यवत पोलीस ठाण्यात चार जणांविरोधात गुन्हा दाखल करण्यात आला आहे. (Yavat News) पुढील तपास यवत पोलीस ठाण्याचे पोलीस निरीक्षक हेमंत शेडगे यांच्या मार्गदर्शनाखाली पोलीस हवालदार कदम हे करत आहेत.
अधिक बातम्या वाचण्यासाठी येथे क्लिक करा :
Yavat News : टेम्पोने दिलेल्या धडकेत दुचाकीस्वाराचा मृत्यू ; पाटस येथील घटना
Yavat News : पुणे-सोलापूर महामार्गावर सहजपूर येथे टेम्पो व ट्रेलरची धडक होऊन अग्नीतांडव
