पुणे : पुणे ग्रामीण पोलीस दलातील भरती प्रक्रियेत पोलीस शिपाई चालकपदाची लेखी परीक्षा उद्या (शुक्रवार, दि. ९) वडगाव बुद्रुक येथील सिंहगड इन्स्टिट्यूटमधील केंद्रात परीक्षा होणार आहे. लेखी परीक्षेसाठी पात्र ठरलेल्या उमेदवारांनी सकाळी आठ वाजता परीक्षा केंद्रावर उपस्थित राहावे, असे आवाहन करण्यात आले आहे.
पोलीस शिपाई चालक भरती प्रक्रियेत मैदानी कौशल्य चाचणीत उत्तीर्ण झालेल्या उमेदवारांची यादी २७ जुलै २०२४ ला जाहीर करण्यात आली. लेखी परीक्षेत पात्र ठरलेल्या ५६७ उमेदवारांची परीक्षा शुक्रवारी होणार आहे. उमेदवारांनी विहित वेळेत उपस्थित राहून सहकार्य करावे, असे आवाहन पोलीस अधीक्षक पंकज देशमुख यांनी केले आहे.
