शिक्रापूर : दुचाकी दुभाजकाला धडकून झालेल्या अपघातात एक महिला ठार झाली. ही घटना न्हावरा (रा. शिरुर) येथील काष्टी रस्त्यावर घडली. प्रतिभा बाळासाहेब मदने (वय ३२ रा. वांगदरी ता. श्रीगोंदा जि. अहमदनगर) असे मृत्यू झालेल्या महिलेचे नाव आहे. याबाबत मोहन साहेबराव मदने (वय ४२ रा. वांगदरी ता. श्रीगोंदा जि. अहमदनगर) यांनी शिरुर पोलीस स्टेशन येथे खबर दिल्याने पोलिसांनी अकस्मात मृत्यूची नोंद केली आहे.
बाळासाहेब मदने व प्रतिभा मदने दोघे त्यांच्या जवळील दुचाकीहून चाललेले असताना कळसकरवाडी येथे रस्त्यावरील गतिरोधकला दुचाकी धडकली. त्यात प्रतिभा मदने रस्त्यावर पाडून जखमी झाल्या. दरम्यान नागरिकांनी त्यांना उपचारासाठी खासगी रुग्णालयात दाखल केले असता डॉक्टरांनी प्रतिभा मदने यांचा मृत्यू झाल्याचे घोषित केले. पुढील तपास सहाय्यक पोलीस उपनिरीक्षक रमेश कदम हे करत आहे.
