Wagholi News वाघोली (पुणे) : वाघोली-केसनंद रस्त्यावर दुचाकीला ट्रकने पाठीमागून दिलेल्या धडकेत एका १९ वर्षीय मुलीचा जागेवरच मृत्यू झाल्याची घटना घडली आहे. तर एक तरुण गंभीर जखमी झाल्याची घटना गुरुवारी दुपारी एकच्या सुमारास नायरा पेट्रोल पंपासमोर घडली आहे. (Wagholi News)
गौरवी रवींद्र जाधव (वय १९, सध्या रा. गुलमोहर सोसायटी, वाघोली, मूळगाव – कोल्हापूर) असे अपघातात मृत्युमुखी पडलेल्या तरुणीचे नाव आहे.
मिळालेल्या माहितीनुसार, गौरवी व आशिषकुमार हे दोघे दुचाकीवरून वाघोली-केसनंद रस्त्यावरून निघाले होते. यावेळी बोअरवेल ट्रकची दुचाकीला जोरदार धडक दिली. यामध्ये दोघेजन दुचाकीवरून खाली पडले. यावेळी त्याच ट्रकच्या मागील चाकाखाली आल्याने गौरवीचा जागीच मृत्यू झाला आहे. (Wagholi News)
दरम्यान, याप्रकरणी ट्रकचालक लक्ष्मण चिन्नास्वामी (वय ३९, रा. कोलवडी) याला अटक करण्यात आली आहे. पुढील तपास पोलिस उपनिरीक्षक महादेव लिंगे करीत आहेत. (Wagholi News)
