पुणे Wagholi Fire : वाघोली (Wagholi Fire) परिसरात असलेल्या “शुभ सजावट” या मंडपाचे साहित्य असणाऱ्या एका गोडाऊनला लागलेल्या भीषण आगीत तिघांचा जागेवरच मृत्यू झाल्याची घटना घडली आहे. (Wagholi Fire) वाघोली परिसरातील उबाळे नगर परिसरात शुक्रवारी (ता. ०५) रात्री साडेअकरा वाजण्याच्या सुमारास हि घटना घडली आहे. (Wagholi Fire)
“शुभ सजावट” या मंडपाचे साहित्य असणाऱ्या गोडाउनला भीषण आग
मिळालेल्या माहितीनुसार, “शुभ सजावट” या मंडपाचे साहित्य असणाऱ्या गोडाउनला भीषण आग लागली होती. या आगीत ४ सिलेंडर फुटले आहेत. आगीनंतर त्वरीत पुणे येथील अग्नीशमन दलाच्या ५ तर पीएमआरडीए ४ अशी एकूण ९ अग्निशमन वाहने घटनास्थळी दाखल झाली. त्यानंतर अग्नीशमन दलाच्या जवानांना आगीवर नियंत्रण मिळवण्यात यश झाले.
आगीचा व्हिडिओ पाहण्यासाठी येथे क्लिक करा :
या भीषण आगीत दुर्देवाने तीन कामगारांचे मृतदेह आढळले आहेत. आगीचे नेमके कारण अद्याप समजले नसून कुलिंग करण्याचे काम सुरु आहे. शेजारीच ४०० सिलेंडरने भरलेले गोडाऊन होते. परंतु योग्य वेळी आगीवर नियंत्रण मिळवल्यामुळे पुढील धोका टळला आहे.
दरम्यान, एका अग्निशमन अधिकाऱ्याने सांगितले की, “आपत्कालीन परिस्थितीत जवानांनी आग आटोक्यात आणण्यासाठी चांगले काम केले. जवळच ४०० सिलिंडरचा साठा असलेले गोदाम होते. त्या ठिकाणी आग पसरू नये म्हणून खबरदारी घेतली. अन्यथा मोठा अनर्थ घडला असता.
अधिक बातम्या वाचण्यासाठी येथे क्लिक करा :
Pune Fire : पुण्यात मध्यरात्री लागलेल्या आगीत ४ दुकाने जळून खाक ; तर दोन जण गंभीर जखमी
Fire : शिक्रापुर येथे कपड्याचे दुकान आगीत जळून खाक ; सुमारे एक कोटी रुपयांचे नुकसान
