लोणी काळभोर, (पुणे) : पुणे-सोलापूर राष्ट्रीय महामार्गावरून जात असताना वेरणा गाडी पलटी होऊन थेट नर्सरीत घुसल्याची धक्कादायक घटना घडली आहे. ही घटना सोरतापवाडी (ता. हवेली) ग्रामपंचायत हद्दीतील भारत पेट्रोलियम पंपाच्या जवळ बुधवारी (ता. 3) दुपारी दीड वाजण्याच्या सुमारास घडली आहे.
या अपघातात लोणी काळभोर येथील एमआयटी या शिक्षण संस्थेत शिक्षण घेणारा विद्यार्थी गंभीर जखमी झाला आहे. सोहम पवार असे जखमी झालेल्या विद्यार्थ्याचे नाव आहे. तसेच त्याच्याबरोबर अजून एक विद्यार्थी जखमी असल्याची माहिती समोर येत आहे.
मिळालेल्या माहितीनुसार, सोहम पवार हा त्याच्या मित्रासोबत वेरणा गाडी घेऊन पुणे सोलापूर महामार्गावरून चालला होता. पुण्याकडून सोलापूरच्या दिशेने जात असताना, त्याची गाडी सोरतापवाडी ग्रामपंचायत हद्दीत आली असता गाडीवरील नियंत्रण सुटले. आणि गाडी थेट नर्सरीत जाऊन पलटी झाली.
View this post on Instagram
या अपघातात सोहम गंभीर जखमी झाला आहे. सोहमला लोणी काळभोर येथील विश्वराज हॉस्पिटलमध्ये तातडीने उपचारासाठी दाखल करण्यात आले आहे. त्याच्या तोंडावर गंभीर मार लागल्याची माहिती मिळत आहे. तसेच त्याच्यासोबत गाडीमध्ये असलेला अजून एक मित्रही जखमी असल्याची माहिती मिळत आहे.
सविस्तर वृत्त थोड्या वेळातच…