पुणे : वादग्रस्त ट्रे्नी आयएएस अधिकारी पूजा खेडकर यांना केंद्रीय लोकसेवा आयोगाने अखेर दोषी ठरविले आहे. त्यांची उमेदवारी रद्द केली आणि त्यांना भविष्यातील सर्व परीक्षा/निवडींमधून कायमचे काढून टाकण्यात आले आहे. पूजा खेडकर यांना 30 जुलैपर्यंत उत्तर देण्यासाठी वेळ देण्यात आला होता. त्यांचे उत्तर न मिळाल्याने यूपीएससीने ही कारवाई केली आहे.
Union Public Service Commission (UPSC) cancels the provisional candidature of Puja Manorama Dilip Khedkar, a provisionally recommended candidate of the Civil Services Examination-2022 (CSE-2022) and permanently debars her from all future exams and selections: UPSC
— ANI (@ANI) July 31, 2024
पूजा खेडकर हिच्यावर नागरी सेवा परीक्षेत उमेदवारी मिळवण्यासाठी अपंगत्व आणि इतर मागासवर्गीय कोट्याचा गैरवापर केल्याचा आरोप आहे. पूजा खेडकरची पात्रता आणि तिच्या अर्जाभोवतीच्या परिस्थितीचा तपशीलवार आढावा घेतल्यानंतर यूपीएससीकडून अखेर आज घोषणा करण्यात आली आहे.
यूपीएससी कडून जारी निवेदनामध्ये दिलेल्या माहितीनुसार, “यूपीएससीने उपलब्ध नोंदी काळजीपूर्वक तपासल्या आहेत आणि CSE-2022 नियमांच्या तरतुदींचे उल्लंघन केल्याबद्दल पूजा खेडकर दोषी आढळली आहे. CSE-2022 साठी तिची तात्पुरती उमेदवारी रद्द करण्यात आली आहे आणि तिला भविष्यातील सर्व परीक्षांमधून कायमचे काढून टाकण्यात आले आहे.
पूजा खेडकर यांच्यासमोरील अडचणीत आता वाढ होणार असून दिल्ली पोलिस त्यांच्याविरोधात कारवाई करण्याची शक्यता आहे. दिल्ली पोलिसांनी या याधीच पूजा खेडकर यांच्यावर खोटे प्रमाणपत्र दिल्याचा आरोप ठेवत गुन्हा दाखल केला होता. पूजा खेडकर विरोधात युपीएससीने दिल्लीमध्ये गुन्हा दाखल केला होता. पूजा खेडकरला युपीएससीने चौकशीसाठी बोलावले होते. पण ती अद्यापही चौकशीसाठी हजर झालेली नाही. सध्या पूजा खेडकरचा फोन नॉटरिचेबल लागत आहे. त्यामुळे पूजा खेडकर सध्या कुठे आहे असे प्रश्न उपस्थित केले जात आहेत.
